只係得16條羽毛咋，居然可以度到時速約400幾公里嘅速度，估吓係乜嚟？
係咪好易估到呀? 無錯！就係被稱為球速之王嘅「羽毛球」！喺咁多款球類運動之中，球速最快嘅竟然唔係棒球，亦都唔係網球或者高爾夫球，而係輕如鴻毛嘅「羽毛球」！喺軟木製成嘅球頂上，用膠水粘上16條鴨毛或者鵝毛，約為5克嘅重量，但可以創下官方健力士世界紀錄, 最快達417時速，呢個係由馬來西亞選手「李宗偉」喺2017年9月24日所打出嚟嘅驚人球速！
精彩嘅羽毛球賽事
羽毛球選手喺一場比賽之中嘅移動路程約係網球嘅2倍咁多，係一項全身性嘅運動，特別係速度、反應力、彈跳力等，對選手嚟講，都係好重要嘅訓練項目。而睇一場咁厲害嘅羽毛球賽事，則會令全場觀眾跟著個波驚呼連連。無論係選手們嘅跳殺、扣球、長殺等技巧，睇住選手們喺短時間內所做出嘅策略應對，真係大快人心啊！特別係20比20平手時，要其中一方首先連續拎到兩分，先勝出比賽，呢個時候嘅緊張刺激感唔只選手們腎上腺素大爆發，觀眾們都係心跳加速，睇到唔敢抖大氣呀！如果你都係羽毛球好手，咁2021年嘅關西World Masters Games，你絕對唔可以錯過喇！每4年先舉辦一次嘅業餘運動比賽，只要年滿三十歲，任何人都可以報名參賽，第9屆喺2017年紐西蘭舉辦，而第十屆將會喺2021年日本關西舉辦，呢個對於居住喺亞洲而且熱愛運動嘅朋友，可以講係一個天大嘅好消息呀！唔單止交通距離上近咗好多，除咗參賽或者觀賽之外，仲可以順便去日本旅行，何樂而不為呢？
唔只係運動，更加係國際文化上嘅交流
有機會參加呢啲國際級嘅賽事，就算語言唔同，但比賽規則都係一樣嘅，唔單止可以互相切磋比試，一場好比賽亦都能夠得到嚟自其他國家嘅選手或者觀眾們為你獻上讚賞嘅掌聲，而比賽會場上識到嘅朋友們，無論係互相送自己國家嘅記念品或者係小禮物，都可以透過咁樣去開始難得嘅國際交流添！
「World Masters Games2021關西」羽毛球賽事會喺京都舉辦
「World Masters Games2021關西」羽毛球賽事嘅比賽地點會喺京都，日本京都一直以嚟都係去日本旅行嘅大熱門，羽毛球比賽所需要嘅裝備都好輕便咋嘛，主要都係得羽毛球鞋、球拍、羽毛球，就算你帶出國，都唔會增加行李負擔吖。去比賽之餘仲可以輕鬆去吓旅行，造訪京都各個知名嘅觀光景點，比如世界遺產清水寺、伏見稻荷大社、祇園、嵐山、金閣寺等等。藉著呢個參賽或者係觀賽嘅理由，等你嘅旅行唔止係旅行，仲加多層意義添。透過運動養成好習慣，練出一身好體力，俾你可以行遍天下結交各路好手，如果你仲未開始玩呢項運動，都可以去睇吓呢個國際賽事，睇吓可唔可以有機會成為你人生中一項興趣，為你嘅生活添加更多樂趣啦！
更多「World Masters Games2021關西」嘅資訊，請睇呢邊 👉👉👉https://www.wmg2021.jp/en/
Comments