北海道札幌大通公園

札幌大通公園位於札幌市中心，佔地面積相當大！以著名嘅札幌雪祭而聞名。大通公園占地13個街區，全年有各種節日活動，仲可以將札幌電視塔嘅景色盡收眼底！本文將介紹大通公園，及其附近嘅酒店。

關於大通公園、札幌嘅節慶祭典

日文中「大通 (Odori)」呢個詞語可以廣義翻譯成大街，大通公園絕對係範圍廣大！長達約1.5公里，佔地面積接近80,000平方米，包含13個街區！

大通公園最初係一個計劃區域，將札幌市嘅商業與住宅區分開，但後來於1871年火災時，被重新用作為防災用途。雖然原名為後志通，但1881年6月改為大通。

1876年左右，公園增加咗一個花園，戰爭結束後，好多景觀設計公司表示有興趣開發由大通公園所組成嘅街區。

如今，每個街區都有自己獨特嘅特色及紀念碑。最受歡迎嘅係西一丁目街區，因為佢包含札幌電視塔，可以欣賞倒整個公園嘅美景！

札幌雪祭

如果你想喺北海道，特別係札幌參加當地活動，咁就一定唔可以錯過札幌雪祭！每年二月初舉行，都會吸引數百萬人前往參觀冰雕，包括世界各地嘅地標形狀冰雕作品！

呢度仲會舉辦冰雕比賽，而且有好多美食。你仲可以睇倒好多滑雪愛好者喺空中飛行，因為喺大通公園嘅西2丁目街區附近，臨時建造咗一個滑雪坡道。呢度會係一次神奇體驗，令你嘅旅行留下深刻印象！

如何前往大通公園

由於大通公園位於市中心，乘搭地鐵南北線，好容易就可以到達。從札幌站乘坐地鐵前往真駒內方向，於大通站落車。如此前往到達大通公園嘅地下購物區，冬季時可以避免外面嘅寒冷！

相關資訊

• 名稱: 札幌大通公園
• 地址: 札幌市中央區大通西1～12丁目
• 交通: 大通站出口即達

住札幌大通公園附近嘅酒店

遊覽大通公園嘅最佳時機為夏季，或冬天雪季期間。由於以上季節有時會變得非常炎熱或寒冷，如果可以住喺公園附近嘅酒店就最好！等我哋嚟介紹一些酒店吧！

MYSTAYS 札幌站北口酒店 (Hotel MYSTAYS Sapporo Station)

MYSTAYS 札幌站北口酒店鄰近札幌站，係你喺札幌逗留期間嘅最佳住宿地點。酒店靠近火車站，距離大通公園僅有15分鐘嘅步行路程，方便你遊覽呢座城市。

客房起價約為8,000至16,000円，取決於一年中嘅旅遊時間以及選擇之房型。靠近車站嘅酒店通常好熱門，所以建議要提前預訂！

相關資訊

• 名稱: MYSTAYS 札幌站北口酒店 (Hotel MYSTAYS Sapporo Station)
• 地址: 北海道札幌市北區北8條西4-15
• 交通: 從JR札幌站北口徒步2分鐘

札幌王子大酒店 (The Sapporo Prince Hotel)

旅行時，何不嘗試體驗一下奢華？喺札幌王子大酒店可以享受優美城市景觀。入住酒店嘅所有客人都可以使用露天溫泉浴池！

呢度嘅房間價格由6千到5萬円不等，取決於你選擇嘅房型。入住可以體驗倒奢華享受，而且距離大通公園只有幾分鐘路程！

相關資訊

• 名稱: 札幌王子大酒店 (The Sapporo Prince Hotel)
• 地址: 北海道札幌市中央區南2条西11丁目
• 交通: 從札幌站出發，乘坐的士約8分鐘；從札幌市營地鐵東西線「西11丁目站Z」出發，步行2分鐘

札幌三位神大酒店 (The Hotel Resol Trinity Sapporo)

如果你唔想去咁遠，想搵近大通公園嘅酒店，特別係冬天非常寒冷時，咁樣札幌三位神大酒店就非常適合你！

呢間酒店鄰近大通公園，提供各式客房，價格由8,000到60,000円不等，視旅遊時間及選擇嘅房型而定。

相關資訊

• 名稱: 札幌三位神大酒店 (The Hotel Resol Trinity Sapporo)
• 地址: 北海道札幌市中央區大通西5-3
• 交通: 從地鐵“大通站”3號出口步行2分鐘