日本有醬油、味噌等多種獨特調味料，無論係壽司、壽喜燒、蕎麥麵、烏冬等受歡迎嘅日本美食，都會用上以上種種調味料作為醬汁或湯底調味，可謂日本人餐桌上係不可或缺嘅調味料！呢次要同大家介紹嘅，係日本料理之中經常出現嘅「料理酒」同「醋」，以及煮日式料理時必須知道嘅「加調味料先後次序」！
要帶出濃郁味道就要用「料理酒」
「日本酒」係先將白米蒸熟後，加入麴同水再發酵熟成、抑制酸味同雜質之後而成嘅產物。日本清酒（sake）可以講係世界聞名，但「料理酒」同日本清酒（sake）唔同嘅地方，就在於「料理酒」目的係為咗令料理更加濃郁美味，所以就保留咗本身嘅酸味同雜質，然後再加鹽所製成。「料理酒」唔可以直接飲用，而係主要係用嚟消除海鮮肉類等特有臭味，等餸菜更加美味濃郁而使用，通常都係用於燉煮類嘅料理比較多！
製作壽司醋飯時必備嘅「醋」
「醋」係一款係以米、麥等碳水化合物為主要原料，經過酒精發酵後而成嘅調味料。以米為主要原料製作而成嘅就稱為「米醋」，以小麥、玉米、米類等穀物為主要原料製作出嚟嘅就稱為「穀物醋」，而其它類似嘅仲有「蘋果醋」、「葡萄醋」等係水果為原料巳嘅醋。米醋保留著米飯風味同甜味，穀物醋嘅特點則係酸味比較少而且比較清爽。例如係製作壽司「醋飯」時，就必須要用到「米醋」！日本人平時都會將醋用喺燉煮類嘅料理同涼拌菜上。醋不單具有防腐抗菌，更有增進食慾嘅作用，整醃菜等嘅醃製食品時都會用到㗎～
放調味料都有先後次序！？日式料理製作秘訣大公開
整日式料理時，為咗令食物快速入味同帶出食材嘅美味同鮮味，因此調味料嘅「黃金順序」就非常重要！日本人通常會喺加入糖、鹽之後，再以「醋、醬油、味噌」順序加入調味。太早加醋凡話，酸味會好快揮發，所以要喺糖同鹽之後先加入；然後醬油或味噌都係為咗保留香味，因此最後先放入去添加風味；除此之外，消除臭味同等食物加速入味嘅料理酒通常，就係喺煮食過程一開始就首先加入。記住喇！做日式料理嘅時候，加入調味料嘅先後次序係好重要～
Comments