北海道函館山百萬夜景

位於北海道西南部嘅函館山以其百萬夜景聞名。榮獲《米芝蓮綠色指南・日本》評比為三粒星，函館山係函館旅遊嘅必訪之地，可以睇倒一輩子難忘嘅美景！

函館山美景

與長崎、神戶一齊被選為日本三大夜景嘅函館山，以百萬夜景而聞名。雖然函館山只有海拔334米，但視野廣闊且面向函館市區，夜景璀璨亮麗！

函館山山頂係一個展望台，日落時人潮會變得非常擁擠。因為城市嘅燈光照亮咗半島，可以睇倒被兩個海彎環繞住嘅函館市區。

喺晴朗嘅夜晚，透過一片燈海，可以欣賞倒函館市場區、五棱郭堡等景色。對於想於社群媒體或與朋友和家人分享經典畫面嘅攝影愛好者嚟講，呢個會係絕佳嘅取景機會！

如果計劃前往函館山賞夜景，請務必事先查看當地嘅天氣預報！呢一點非常重要，因為函館山靠近大海，天氣變化多端，移動嘅雲層會隨時阻擋視線。

可以選擇乘搭函館山纜車進入山區、徒步登山，或者根據旅遊時節，甚至可以揸車或者乘坐巴士上山。我哋推薦纜車，因為可以一路欣賞美麗嘅景色。

前往函館山山頂嘅巴士營運期間，只限4月中旬到11月中旬。原因係寒冷冬天時，為咗防止道路凍結而導致任何交通事故。

實際上有兩條巴士路線：函館山登山巴士、觀光巴士。函館山登山巴士從JR函館站出發，大約需要30分鐘才到達山上，單程票價為400円。

觀光巴士從JR函館站出發，往返函館山。可以選擇留宿於車站及湯之川溫泉附近嘅酒店。觀光巴士只去到山腳下，因此落巴士後仲要坐纜車前往山頂。從函館站出發嘅巴士票價從1000円到1600円不等。

登上函館山最簡單嘅方法絕對係乘搭函館山纜車。纜車嘅時間表分為夏季及冬季。4月25日至10月15日期間，上山首班車時間為10:00，尾班車時間為21:50；落山尾班車為22:00。

10月16日到4月24日期間，上山首班車為10:00，尾班車為20:50；落山尾班車為21:00。

成人往返票價1,280円，單程票價780円；兒童往返票價640円，單程票價390円。

想以更接近大自然嘅方式登上函館山？如果你願意行一個鐘頭，咁就可以徒步行上函館山！從函館山遊客中心出發，可以經一條狀態良好嘅山路攀登上函館山！

夏季建議穿著舒適嘅運動鞋與輕便衣服，另外，亦建議準備郊外防蟲噴霧。冬季時建議穿著雪靴及足夠保暖衣服，因為當地天氣非常寒冷！