上次介紹嘅荷葉袖襯衫，得到好多評價。呢次介紹嘅穿搭，就係利用唔同顏色嘅荷葉袖襯衫去做配搭！特別係，熱愛褲裝，又唔想太過中性嘅你，一定要睇喇！只要著GU嘅商品，喺經濟實惠嘅情況下，都可以令你形象煥然一新。
清爽高雅嘅深藍襯衫
- 深藍格紋網紗荷葉上衣 990日圓
- 條紋窄腳褲 1690日圓
- 啡色尖頭鞋 1990日圓
※包包係ZARA 3490日圓
深藍色嘅格紋網紗荷葉上衣有隱約嘅格紋，係幾可愛嘅設計。荷葉袖嘅流行感十足，但出年可能就跟唔上潮流嚕, 咁嘅話，喺GU平平地買嚟淨係喺呢季著都得啦。深藍色睇起嚟好高雅, 都幾好呀。而條紋嘅窄腳褲好易襯衫, 俾你盡情去襯唔同嘅衫。
休閒運動褲著出優雅感？
- 卡其色休閒運動褲 1490日圓
呢次係利用同一套荷葉袖襯衫打造唔同風格嘅穿搭。呢件休閒運動褲係伸縮質料，略為寬鬆嘅設計，優雅又得休閒又得。配對高踭鞋，著件皮褸，就可以呈現出一種高雅感喇。
而呢次則係搭配咗ZARA嘅休閒鞋 3990日圓，展顯休閒風。
大家覺得點呢？係咪一下子改變到形象呢？而且，幾乎都係GU嘅商品，但就可以著出高級質感喇。期待下次穿搭介紹嘅朋友，歡迎留言俾我哋呀！
為咗慳錢，手工製作飾品。
Comments