去北海道旅行，當然要體驗當地美食啦！北海道位於日本列島最北方，由於其獨立地理位置，因此有著與本島不一樣嘅氣候與文化。本文將介紹一啲北海道最好食、值得推薦嘅餐廳。你都快快mark低，一齊去追尋最地道嘅北海道美食啦！
地道北海道壽司餐廳
迴轉壽司「Nagoyaka亭(なごやか亭)」
日本到處係壽司店，北海道每個城市亦唔例外。數到當中最受歡迎嘅連鎖迴轉壽司店，就必定係「Nagoyaka亭(なごやか亭)」。集團單單喺札幌就有9間分店，憑著實惠價格以及高品質嘅北海道壽司而深受當地人歡迎。雖然各家分店都位於市中心外圍，但如果想食得道地，就一定要去嘗試一下。
店舖資訊
- 名稱: Nagoyaka亭(なごやか亭)AEON MALL 札幌發寒店
- 地址: 北海道札幌市西區發寒8條12丁目1番地
- 交通: 從JR發寒站步行4分鐘
壽司處UENO
如果想嘗試更精緻嘅壽司，你亦可以考慮前往頂級壽司店「壽司處UENO」 。呢間餐廳距離豐水薄野站僅2分鐘步行路程，有寧靜嘅用餐環境，適合家庭用餐或者北海道旅遊後放鬆一下。店內嘅手握壽司採用江戶前傳統做法，保證可以為您帶嚟精心手工製作嘅美食體驗。
店舖資訊
- 名稱: 壽司處UENO (鮨処うえの)
- 地址: 北海道札幌市中央區南6條西3 Joyful Sapporo大樓1F
- 交通:
- 從札幌市營地下鐵南北線 「薄野站」3號出口 步行5分鐘
- 從札幌市營地下鐵東豐線「豐水薄野站」７號出口步行2分鐘
北海道海鮮餐廳
Kamimura
北海道嘅海鮮餐廳會為您提供以當地捕獲嘅新鮮海產烹調而成嘅料理。同日本其他地區相比，北海道喺烹飪海鮮上有著截然不同嘅方法。拜阿伊努人（北海道原住民）所彫，我哋今時今日先可以有如此非凡嘅北海道海鮮體驗咋！
其中一款阿伊努人傳統菜餚名叫「Ruibe套餐（冷凍魚）」。傳統上，族人會喺秋天時捕魚、然後等冬天時將魚放於冰雪下冷凍再直接生食。由於現代科技發達，後人而家任何時候都可以捕魚並將魚穫放於冰箱內冷凍，呢道傳統菜亦搖身一變成為非常適合夏天嘅冷盤。
您可以喺北海道大部分居酒屋都食到Ruibe套餐。如果想嘗試更加唔一樣嘅料理，可以前往二世古Kamimura餐廳。佢係一間供應法國風味Ruibe套餐嘅米芝蓮星級法國餐廳。當然，如果唔想破費，札幌Nemuro Hamaichiban餐廳亦有提供一系列經濟實惠嘅Ruibe餐點。
店舖資訊
- 名稱: Kamimura
- 地址: 北海道北海道虻田郡俱知安町山田190-4
- 交通: 從比羅夫站乘搭的士約10分鐘
如果想食熱食，閣下可以前往函館朝市嘅蓋飯橫丁市場。場內提供價格由500円到2000円不等嘅海鮮蓋飯，款式應有盡有，重點係每款都係用當日早上捕獲嘅新鮮海產做成㗎！
北海道中華料理餐廳
由於北海道地理位置近中國，因此大多數當地中式料理都有受到傳統中餐影響。日本同樣有「中華料理」嘅概念，意思為「日本風格」嘅中國菜，雖然始終同喺中國食到嘅正宗中國菜都有出入，但至少喺北海道可以搵到嘅，都有唔少比歐美中菜更接近嘅味道！
中華料理香州
如果想要又平又方便嘅中華料理餐廳，您可以前往札幌嘅中國料理香州餐廳，既可以滿足胃口之餘又唔會令荷包大出血。餐廳環境舒適，800円以下就可以享用一道美味中式快餐。佢哋嘅炒飯同餃子更加係被評為札幌中最美味之一𠻹！
店舖資訊
- 名稱: 中華料理香州
- 地址: 北海道札幌市中央區南3條西4丁目
- 交通: 從薄野站步行2分鐘
Koukaku
札幌Grand Hotel東館2樓嘅Koukaku餐廳供應採用北海道食材烹製而成嘅中華料理，菜式包括鮮蝦、扇貝以及什錦炒麵等經典中式菜餚。雖然會比其他餐廳稍為貴，但新鮮嘅食材絕對值得一試。
店舖資訊
- 名稱: Koukaku (黄鶴)
- 地址: 北海道札幌市中央區北一條西4丁目 札幌Grand Hotel東館2F
- 交通: 從札幌站步行10分鐘
Comments