在北海道富良野盡情享受滑雪

位於北海道中部、距離旭川無幾遠嘅富良野，以多個日本電視劇及滑雪場而聞名，係冬季運動愛好者及滑雪好手嘅首選之地。本文中，我哋將介紹呢個地方嘅歷史及魅力景點。

發掘富良野嘅魅力

富良野現被稱為冬季旅遊聖地，但對於阿伊努族嚟講，就並非如此。阿伊努族係北海道原住民，佢哋習慣用母語稱富良野為「Fura-nui」，意思解臭火焰或臭崩崩嘅地方。呢個臭味可能係由於北海道嘅火山活動，以及富良野位於十勝岳連峰附近所造成。

1897年，人們開始從日本本島遷移到富良野並開發該地區。從旭川出發前往富良野嘅第一列火車，於1900年開始營業，將呢個村莊與北海道其他地區連接起嚟。富良野於1966年正式成為一座城市，連結咗東山及山部兩個鄰近城鎮。

自1966年以嚟，富良野已發展成為一個擁有2萬3千名人口且超過601平方公里嘅城市。主要產業係以農產品相關產業為主，主要種植紅蘿蔔及洋蔥，仲有僅次於後嘅釀酒業。

葡萄酒酒莊Furano Winery建於1972年，從果陣時起一直為當地標誌性建築。由於富良野周圍之獨特環境，該地區所生產嘅葡萄酒，擁有其他地方都無嘅特殊味道。

當你參觀對外開放嘅酒莊時，甚至可以免費品嚐葡萄酒。由酒莊經營嘅Restaurant Winehouse餐廳提供特別套餐，可以品嚐幾種唔同嘅西式葡萄酒。離富良野酒莊唔遠嘅係葡萄果汁工場，可以參觀生產過程，並品嚐新鮮果汁。

富良野以農產品為基礎，乳製品生產亦相當發達。富良野生產各式各樣嘅牛奶與芝士(好適合配搭葡萄酒)。最著名嘅係Furano Delice牛奶布丁，呢個係日本第一個用牛奶罐裝嘅布丁。好多北海道牛奶麵包，亦使用富良野產牛奶製作。

你可以輕鬆地花幾日時間，遊覽富良野周圍嘅旅遊景點。無論係葡萄酒愛好者，想品嚐一些日本製造嘅葡萄酒，定係鍾意喺滑雪場冒險嘅人，富良野都可以滿足你嘅需求。雖然我哋並唔建議同一時間做呢兩件事。XD

富良野有好多滑雪場及度假村，非常適合新手與專業人士。雖然大多數度假城鎮已經開發為旅遊勝地，富良野仍然保持住小鎮嘅真實面貌，保持日本式氣氛，同時仍然能夠滿足外國遊客嘅需求。

富良野滑雪場由10座纜車、24條滑道組成，被列入世界級專業滑雪者嘅必去之地。富良野嘅雪比較乾燥且蓬鬆輕巧，即使無經驗嘅滑雪者亦不必擔心容易受傷。

如果喺冬天以外嘅季節去富良野，可以欣賞美麗嘅薰衣草及其他夏季花草。呢度嘅花田占地數英里，為日本最好花田之一。

你可以租一架單車喺閒暇時穿越田野。我哋建議喺亞斗夢之丘附近旅遊，因為呢個地方包含多個日本電視劇中知名嘅拍攝場景，仲有喺電視劇中睇倒嘅樹木。