冬天嘅札幌，夢幻冰雪國度！
眾所皆知，日本冬天時札幌猶如夢幻嘅冰雪國度，嚟到札幌，可以欣賞倒好多冬天美景。冬天，札幌彷彿被施咗魔法一樣。聖誕節期間，整個札幌市白雪茫茫一片。可以影出一張張絕美照片，一張張自然與城市生活交織而成嘅美麗風景照。
當你喺欣賞景色時，細綿柔軟嘅白雪從天而降，輕輕咁飄落喺你每寸肌膚，飄落喺地上一層層柔軟嘅棉白粉雪。而札幌嘅冬天由12月中旬到3月底，想要欣賞札幌覆蓋白雪嘅夢幻景色，就絕對不能錯過。
札幌雪祭帶比觀光客好多樂趣！
造訪札幌最佳時機，可能係2月嘅第一個星期，亦係冬天觀光嘅高峰期，同時都係札幌雪祭最擁擠嘅時候。若要喺呢段時間去札幌旅遊，最好早啲開始規劃行程啦。
札幌雪祭通常喺2月嘅第一個星期舉辦，舉辦期間只有一周。此祭典於1950年開始舉辦，當時有一群高中生喺大通公園製作咗幾座冰雕。漸漸發展成大型嘅商業活動，展示好多壯觀嘅冰雕作品。
大通會場
雪祭嘅舉辦場地一共有三個，分別係大通會場、薄野會場以及TSUDOME會場。大通會場係主要場地。大通會場位於札幌市中心，一座1.5公里嘅公園，展出雪祭著名嘅大型冰雕為其特色。
薄野會場
薄野會場就位於札幌最大嘅繁華區域，展出咗約1百件冰雕作品。喺大通公園以南，只有一個電車站嘅距離。而呢度嘅冰雕作品每晚都會點燈至23:00。
TSUDOME會場
喺TSUDOME會場有三種滑雪道，可以玩雪上橡皮艇，以及更多冰雕作品。每日營運時間為9:00至17:00。
1972年札幌冬季奧運
第11屆冬季奧林匹克運動會於1972年喺北海道嘅札幌市舉辦，當時係首次喺歐美其他國家舉辦冬季奧運，一共建造咗14個設施作為比賽場地使用。
隨住地鐵交通開通以及地下商場建設，奧運帶動咗城市嘅主要發展。而札幌冬季奧運所留存嘅建築就係札幌奧林匹克博物館，位於大倉山跳台滑雪競技場嘅山腳。博物館內展示咗好多冬季奧運及冬季體育活動嘅資料及紀念品。
景點資訊
- 名稱：札幌奧林匹克博物館
- 地址：〒064-0958 北海道札幌市中央區宮之森1274
- 營業時間： 9:30～17:00
- 交通：乘搭地鐵東西線至「圓山公園」站落車，轉搭JR北海道巴士（圓14）於「大倉山競技場入口」巴士站落車後，徒步約10分鐘
2017年札幌亞洲冬季運動會
奧運並非唯一一個喺札幌舉辦嘅賽事。1986年及1990年曾於札幌舉辦咗第一屆及第二屆亞洲冬季運動會，而2017年舉辦咗第八屆亞洲冬季運動會。11項冬季運動，一共舉辦咗64個比賽項目，包括主要嘅冬季兩項競賽、冰壺運動、冰上曲棍球、溜冰及滑雪。2017年亞洲一共31個國家參加比賽，而澳洲及紐西蘭因應大會邀請，首次出現喺亞洲冬季運動會上。
日本派出咗146名運動員參加2017年嘅比賽，其目標無庸置疑就係獲得最高分。同過去七屆亞洲冬季運動會相同，主辦國家喺六次大賽都係獲得最多獎牌嘅國家。喺2017年大賽開幕典禮上，前日本跳台滑雪選手原田雅彥帶嚟咗1998年長野奧運所獲得嘅團體比賽金牌，點燃咗運動會嘅聖火。
Comments