京都府美山町至今仍然保留著「茅葺屋頂」民家，一排排舊房屋屋頂由茅草覆蓋建造而成，為整個美山地區注入充滿日式風情嘅美景。一到冬天，茅草屋頂上就會堆積蓬鬆白雪，景色非常夢幻。該區同時亦會舉辦活動，畀觀光客可以一賞美山雪景。今日，一於帶大家嚟美山欣賞一下冬季限定嘅美麗景色啦！
美山地區冬季期間夢幻白雪柔光世界
京都府中部南丹市美山町古民家聚落「美山茅草屋之鄉」內，遍佈著一間又一間茅草屋頂古民家，與白川郷合掌村及大內宿並稱「日本三大茅草屋聚落」。童話般嘅村落至今仍然保留著古色古香茅草屋建築，每年冬季更會舉辦「美山雪燈廊」。每到冬天，當地就會舉辦點燈活動，照亮各個小屋茅草屋頂。化上白雪妝容、茅草屋頂嘅古民家，因柔和燈光而增添色彩。而活動舉辦期間，遊客除咗可以製作雪燈籠製作、欣賞日本舞蹈等之外，會場亦會有多間攤販販售熱騰騰食物，溫暖您寒冷身軀。活動第一日與最後一日更會大放煙花，炒熱氣氛！
「美山茅草屋之鄉～雪燈籠」
「美山茅草屋之鄉」每年春天同冬天舉辦都會舉辦兩次消防演習，為地區居民嘅火災預防演習同消防噴水設施檢測。好多人為咗睇一眼茅草屋頂噴水嘅難得景色，都會特登趁呢段時間慕名而來㗎！
景點資訊
- 名稱：「美山茅草屋之鄉」嘅雪燈籠（「美山かやぶきの里」の雪灯ろう）
- 地址：京都府南丹市美山町北
- 交通： 乘搭JR山陰本線至「園部站」或「日吉站」轉乘南丹市市營巴士至「美山茅草屋之鄉」落車。或者喺京都站乘搭直達巴士，京阪京都交通嘅「美山自然號」、「園部・美山周遊巴士」等。
專程走訪「美山雪祭」
美山町自然文化村廣場會喺2月舉辦「美山雪祭」，內容包括由白雪製作嘅瀡滑梯、雪上運動會、雪糕競速比賽、搓麻糬等多個合家歡活動，而「雪雕大賽」亦會展出多座創意十足嘅作品。屆時現場會排滿大大小小嘅攤位，遊客可以趁機品嚐到美山獨有嘅料理，最重要係入場免費吖！
美山市同其他區域相比，係積雪量較多嘅地區。即使乘搭大眾交通工具前往，建議都要先做好雪地防護措施，例如穿上防滑防水嘅鞋，先至可以安心地盡情享受美山雪景。
景點資訊
- 名稱：美山雪祭
- 地址：京都府南丹市美山町中下向56番地
- 交通：乘搭JR山陰本線至「園部站」或「日吉站」轉乘南丹市市營巴士至「知見口」落車徒步約5分鐘。或者喺京都站乘搭直通巴士，京阪京都交通嘅「美山自然號」、「園部・美山周遊巴士」等。
Comments