時代祭：京都秋日街頭之古裝華麗巡遊

京都三大祭典中歷史最年輕嘅「時代祭」每年10月22日於京都平安神宮舉行，當日巡遊隊伍會從京都御所繞行到平安神宮。喺呢個京都秋天傳統嘅活動中，你可以透過街頭華麗嘅古裝巡遊，欣賞京都各個時代嘅傳統工藝並感受歷史嘅氛圍。

時代祭概要

時代祭喺日文有「歷史祭典」嘅意思，每年10月22日於舉行。呢一日同時係京都嘅創建紀念日。遊行隊伍嘅參與者，會穿上代表日本歷史各時代嘅經典服裝，或打扮成出名嘅歷史人物。遊行隊伍人數大約2000人，當日會從京都御所繞行到平安神宮。如果想睇曬成個流程，大約需要兩個鐘。

經過嚴格考究，忠實復原嘅歷史服裝同道具，展現咗京都傳統、精湛嘅工藝技術。喺古色古香嘅京都街頭觀賞，彷彿乘搭時光機返回古代。對於造訪京都嘅外國旅客嚟講，呢個係一個可以了解日本歷史時代特色嘅好機會。

時代祭源自於1895年(明治28年)管理與保存平安神宮文化嘅「平安講社」，為紀念桓武天皇遷都到京都1100周年，以及平安神宮嘅創建而創立嘅祭典。除第一年喺10月25日舉辦，之後都喺桓武天皇遷都平安京嘅當天，即係京都嘅生日—10月22日舉行。

為咗讓祭典內容更豐富更盛大，於是就有重現歷史古都生活與風俗嘅諗法。祭典採取呈現日本各時代著名人物嘅「朝代遊行」(日文為「時代行列」)形式嚟舉行，故有「時代祭」之稱。

時代祭嘅隊伍按照京都作為首都嘅8個年代進行扮裝巡遊：明治維新時代、江戶時代、安土桃山時代、室町時代、吉野時代、鎌倉時代、藤原時代、延曆時代（從較近時代回溯到較古老時代）。