來到京都美山必食嘅美食與餐廳

坐落喺京都府南丹市嘅美山，整片充滿日本式風景嘅山村聚落。村莊內點綴咗「茅葺屋頂」嘅小屋，其屋頂係用一種叫做「茅」嘅禾本科植物嚟覆蓋。今次，小編要為大家介紹呢種「茅葺屋頂」房屋，以及嚟到自然景觀豐富嘅美山町嘅時候，值得一嚐嘅餐廳及美食。

美山嘅極品餐廳！用蕎麥粉同水製成嘅極品蕎麥麵

「茅葺之里北村」供應嘅餐點使用當地食材，可以品嚐到四季嘅美味。相當講究嘅手打蕎麥麵，則係使用當地嘅蕎麥粉以及美山美味嘅水製成，可以品嚐到蕎麥原本嘅味道。到咗9月，店家前方嘅田地仲會綻放白色嘅蕎麥花，成片景色都非常美麗。

喺蕎麥田收成嘅蕎麥，用低溫儲藏嘅石臼磨成粉。欣賞眼前成片茅葺屋頂風景同時，仲可以一邊享用美味嘅蕎麥麵。

「美山粹仙庵SAI」係一間歷史200年以上嘅茅葺屋頂古民家餐廳。附近有美山川流經，可以悠閒地度過時光。使用可以感受四季嘅時令食材，提供對身體有益嘅餐點。

一邊眺望美山嘅美麗景色，一邊享用季節性美食。春天有山菜，夏天有鮎魚等嘅鹽烤河魚同麵線，秋天則有菇類料理，冬天亦有牡丹鍋。

此外，要推薦你去到一定要試食至少一次嘅豆乳鍋。豆乳鍋用丹波產嘅大豆所搾嘅豆乳，同當地朝早現採嘅季節野菜，以及當地飼養嘅雞肉，係絕妙嘅組合。要唔要嚟試一下有益身體嘅健康美山季節料理呢？

位於茅葺之里附近嘅「美山Omoshiro農民俱樂部」，係火腿工房經營嘅Café。供應手工火腿、香腸料理嘅餐點。使用美山時令食材做成嘅熱狗堡同燉湯等，可以悠閒地喺店內用餐。另外，調味料為有機栽培或無添加物，堅持使用對身體有益嘅食材。套餐仲提供雪糕同蛋糕等甜品。

不妨嚟到山小屋風格且木感飄香嘅店內，邊欣賞美山嘅美麗風景邊用餐。肚有啲餓嘅時侯就一定要嚟光顧喇。