京都都有合掌村！桃源仙境「京都美山」

京都府嘅美山，對於熱愛大自然、想體驗日本傳統農村生活嘅人嚟講，係一個必去嘅地方。呢個美麗嘅鄉村四面環山，以「茅葺屋」（茅草屋）聞名。2006年，美山町同其他三個村落合併為南丹市。 

於京都美山體驗日本傳統農村生活

京都府嘅美山町，周圍環繞綠色植物同壯麗嘅山脈，係一個距離京都市中心約2個鐘車程嘅鄉郊地區。呢度有好多值得一睇嘅景點，從體驗純樸嘅農村生活到戶外活動都有，例如係遠足同釣魚。

美山嘅主要景點係「茅草屋之里」。呢個村莊由近40個茅草屋頂嘅農舍組成。可以漫步感受呢個地方。

可以考慮入住其中一間茅草屋，體驗傳統日式茅草屋住宅，唔單止有榻榻米地板同蒲團，仲有實際嘅開放式壁爐。建築物雖然陳舊，但有現代化嘅住宿設施，而且價格實惠。

如果想了解當地農村嘅生活方式，可以去「茅草屋之里」嘅美山民俗資料館。多年嚟，呢座由茅草屋建築改成嘅資料館，展出農村傳統工具同日常家居用品。

美山町擁有相當完善嘅交通網絡，甚至可以租借單車，所以喺當地遊覽相當容易。一於嚟呢度好好享受美山之旅啦！

相關資訊

• 名稱: 美山 茅草屋之里
  
• 地址: 京都府南丹市美山町北
  
• 交通方式: 從「かやぶきの里」(Kayabukinosato)巴士站步行4分鐘
  

京都美山嘅溫泉

喺美山玩咗一日後，想浸下溫泉放鬆一下？推薦「京都美山 料理旅館 枕川樓」。佢哋嘅溫泉係一種富含礦物質嘅人工溫泉，含有來自山谷嘅天然水。

呢度嘅溫泉水可以令人恢復活力、減輕疲勞。同時仲可以透過寬敞嘅窗戶欣賞周圍美麗嘅景色，如此愉快嘅雙重享受簡直係非常難得！

相關資訊

• 名稱: 京都美山 料理旅館 枕川樓
  
• 地址: 京都府南丹市美山町中上前26
  
• 交通方式: 從JR山陰線 園部站乘搭巴士60分鐘
  

如何前往京都府美山町呢？

從京都市區前往美山町

如果想無憂無慮咁遊覽美山，可以考慮聘請私人導遊。有幾間旅行社提供專為想去美山而定制嘅私人旅遊服務。

如果想乘坐公共交通工具，亦可選擇以下路線：

1. 從京都站乘搭JR山陰本線・快速到園部站，轉搭JR山陰本線前往日吉站，再乘搭南丹市營巴士到美山北村。花費時間：約115分鐘。交通費用：1360円。
2. 從京都站巴士站乘搭京都〜美山路線巴士，於「かやぶきの里」(Kayabukinosato)巴士站落車後，步行4分鐘即抵達。花費時間：約112分鐘。 交通費用：1600円。

從大阪前往美山町

亦可以從大阪出發前往美山。從JR新大阪站乘搭東海道山陽本線到京都站，轉乘山陰本線到園部站，然後喺「園部站西口」巴士站乘搭「園部～美山」路線巴士，於「かやぶきの里」(Kayabukinosato)巴士站落車後，步行4分鐘。時間約花140分鐘，交通費用：2,320円。