講起京都呢座擁有千年歷史嘅古都，典型印象就係寺廟、神社、町家建築等傳統文化，但係，除咗悠久嘅歷史傳統，古都都有現代化嘅一面。京都國立近代美術館就係京都現代主義嘅代表。除咗以京都同西日本嘅日本畫同工藝品為主嘅館藏品展示，仲有主題性嘅大型特別企劃展。
京都國立近代美術館概要
坐落於綠意盎然嘅岡崎公園，面對平安神宮大鳥居、毗鄰琵琶湖水渠嘅京都國立近代美術館，係一座具有灰色花崗岩外觀、現代感十足嘅建築。最初作為東京國立近代美術館嘅分館而設立，1967年獨立成為京都國立近代美術館。現時所使用嘅美術館建築物於1986年竣工，由日本著名建築師槙文彦所設計。
呢棟建築充分展現咗槙文彦「簡潔、端正」嘅設計風格，唔單止外形方正，以方格組成嘅外牆都呼應咗京都整齊嘅棋盤式街道。建築外觀以花崗岩同玻璃構成，兼具透明性同厚重感。館內空間感十足，一樓休憩區仲可以透過落地窗享受京都嘅四季景色。
樓層展示介紹
京都國立近代美術館收藏咗日本國內外共12,000件以上嘅近現代美術作品。考慮日本近代美術史發展嘅同時，亦專注於收藏西日本嘅藝術品。特別值得注意嘅係，京都畫壇嘅高水準日本畫作同近代洋畫藏品。而四樓主要係館藏作品展，三樓則係特別企劃展。
館藏展
美術館嘅收藏品種類廣泛，包括日本畫、洋畫、書籍、雕刻、工藝品（陶瓷、紡織品、金屬作品、木質同竹質藝術品、漆器同珠寶）、攝影等。位於四樓嘅館藏展藝廊，係從館藏品中選取部分作品，依據主題輪流更換展出。館藏品以日本近現代嘅經典作品為中心，但亦有歐美嘅近現代作品。
四樓嘅亮點
平安神宮嘅朱紅色巨大鳥居就喺美術館嘅前方，只要到四樓大廳，就能夠與鳥居同樣高度，以特別嘅角度來觀賞呢座魄力十足嘅建築，另外仲可以欣賞後方嘅東山連峰。
2018年下半年企劃展介紹
除咗主題性嘅館藏展品之外，每年仲會舉辦5次左右大型特別企劃展，引進日本或海外嘅近現代藝術。以下想同大家分享一下2018下半年嘅企劃展。
回應遷徙嘅包浩斯：2018年8月4日 ～ 10月8日
包浩斯係係德文Bauhaus嘅音譯，原係一所建築同應用美術學校嘅名稱，1919年由德國現代主義建築大師格羅佩斯(Walter Gropius)喺德國威瑪市所創設。包浩斯嘅理念係提倡現代設計教育必須結合「藝術與技術」。雖然學校僅存世短短14年，但其理論與學說卻對世界各地產生深遠嘅影響。
本展探討包浩斯嘅教育理念同課程，係點樣被移植到日本同印度，喺唔同歷史同文化背景之下，當地嘅學生又係點樣運用呢啲原計原則嘅呢。展示超過100件相關嘅文件紀錄以及當時學生嘅作品。呢次展覽嘅精華，喺2019年春季預定於德國柏林舉辦嘅「bauhaus imaginista」展覽中都會介紹。
誕辰110周年 東山魁夷回顧展：2018年8月29日 ～ 10月8日
2018年係日本畫家東山魁夷（1908-1999）誕辰110周年。為紀念呢位日本「國民畫家」，喺京都、東京都舉行東山魁夷回顧展。除咗展示《路》、《殘照》、《綠色迴響》等經典代表作，仲有描繪歐洲或京都等古城嘅風景畫同習作，總共約80件作品。
而另一個大睇頭就係奈良・唐昭提寺御影堂障壁畫(隔扇畫及壁面共68面)嘅複製展出。從構思到完成花費10年，東山嘅藝術生涯紀念大作。呢個係京都久違30年嚟所辦嘅大型回顧展。東山嘅作品展現出發自内心深處對自然嘅崇敬，同時亦反映出日本人嘅自然觀，代表戰後日本畫嘅最高峰。
逝世50周年 藤田嗣治回顧展：2018年10月19日 ～ 12月16日
巴黎畫派嘅代表畫家—藤田嗣治（1886年1968年）出生於明治中期嘅日本，81年嘅人生有將近一半時間喺法國度過，晚年甚至仲入籍法國。2018年正值藤田嗣治逝世50周年，日本與法國及歐美各美術館合作，推出一場能夠讓大眾了解畫家生涯全貌嘅大型回顧展。
呢個展出以作品嘅繪製年代為順序，規劃咗代表各個創作階段嘅「風景畫」、「肖像畫」、「裸婦」、「宗教畫」等主題，同時亦以新視角嚟嘗試解析藤田嘅藝術。展品除咗有藤田代名詞之稱嘅「乳白色之裸婦」之外，更有首次喺日本公開亮相、同甚少被介紹嘅作品，係一場值得期待嘅大展。
美術館咖啡廳
館內一樓嘅café de 505面向琵琶湖疏水道，有明亮嘅落地玻璃，可以一邊欣賞美麗嘅風景，一邊享用咖啡輕食。如果喺春天去嘅話，還可以賞櫻呢！
開館時間和門票資訊
- 開館時間：9:30～17:00（週五、週六延長至20:00）
- 每週一休館（如遇假日則順延至隔日）
- 常設展票價：成人430 円（特別展覽需額外購票）
景點資訊
- 景點名稱：京都國立近代美術館
- 地址：〒606-8344 京都府京都市左京區岡崎圓勝寺町26-1
- 交通方式：地下鐵東西線「東山」站，徒步7分鐘；京都市營巴士5號、100號、46號，於「岡崎公園 美術館・平安神宮前」下車即到
Comments