嚟到京都宇治推薦你入住嘅酒店

宇治有平等院鳳凰堂同宇治上神社等，可以感受得到京都悠久嘅歷史。除咗參觀寺院同神社之外，仲可以品嚐只有喺宇治先至食得到嘅美食喔，例如係用名產・宇治茶製作嘅甜品等。今次，小編就要同大家介紹幾間既可以觀光又可以享受美食嘅宇治酒店。

宇治值得推薦嘅酒店：「花屋敷浮舟園」

「花屋敷浮舟園」係相當有歷史緣由嘅酒店。所有嘅客房都可以睇到宇治川，地理位置極佳。春天櫻花滿開；夏天則係有宇治川嘅清流；秋天紅葉滿山；冬天嘅雪景，喺呢度可以感受到季節變換嘅獨特風情。

酒店內有牛排餐廳，仲可以品嚐到正宗京都懷石日式料理。可以一邊欣賞美麗嘅河川風景，一邊品嚐「京料理」。酒店嘅地理位置方便，可以直接行到去各種觀光景點；距離平等院鳳凰堂同宇治上神社等史蹟，步行僅約10分鐘。

「京宇治靜山莊」係喺宇治川沿岸嘅酒店。可以喺感受到宇治川流水聲嘅日式客房內優閒地度過。寬敞嘅日式客房，可以容納多啲人數一同入住。從大浴場可以眺望宇治川各個季節嘅景觀。

餐點方面供應京懷石料理，使用自家菜園種植嘅蔬菜，俾你品嚐用時令食材烹調嘅料理。主要嘅史蹟徒步可到達，前往觀光非常方便。館內可以使用免費Wi-Fi，亦有設置上網專區以及投幣式洗衣機。相當推薦計畫喺同一間酒店連續住宿嘅人。

「宇治嘅家茶願壽邸」係喺2016年9月開幕嘅旅舍型旅館。距離車站近，周邊嘅觀光景點可以步行抵達。相當推薦俾單純只係想住宿嘅人。客房有西式、日式、共用房間，備有共用嘅廚房同浴室。喺早餐時間或限定嘅時間都有供應免費生啤酒服務(需喺預約時申請)。

全館提供免費Wi-Fi，全部嘅客房備有空調同電視。亦可以免費參加各種行程、活動以及體驗泡抹茶。附近有便利商店、食品店、餐廳、大眾浴場等，相當方便。