冬季北海道之旅精選5大睇雪・玩雪好節目&保暖貼士

北海道—一個最受大眾歡迎嘅冬季度假勝地。您喺呢度可以體驗各式各樣嘅活動，上至滑雪下至參加冬季應節活動以及觀賞點燈活動等應有盡有。不得不提嘅係，北海道嘅冬季景色非常宏偉，一定可以帶畀你難忘嘅印象！

北海道嘅冬天到底係點樣嘅？

北海道嘅湖光山色，飛流直下嘅瀑布，都可以體驗日本真真正正嘅冬季氣候。觀賞大雪紛飛嘅景色，參與燈火輝煌嘅點燈活動，猶如置身於魔法世界中，都一一令人畢生難以忘懷！

雖然有各種觀光景點值得你去參觀，但請記住呢度係北海道，係日本最北嘅地區，平均氣溫只有介乎-4°C，而最低氣溫甚至低至-6°C。

請記得做好禦寒措施帶備足夠衣服，仲可以著多幾層衫咁就唔洗驚啦！

北海道最適合冬季運動，優質嘅雪地特別適合進行滑雪活動。呢度有好多滑雪勝地，根據你自身興趣，揀選一個符合你條件嘅地方啦！溫泉之鄉新雪谷町（二世古町）、以薰衣草園聞名嘅富良野、啤酒之村札幌，座於北海道最大嘅留壽都度假村遊樂園等各式各樣滑雪勝地任君選擇。

被認可為歷史遺跡嘅星形形狀五棱，係蝦夷共和國嘅主要要塞（日本幕末時代由新選組同部分舊江戶幕府勢力所成立嘅政權）。對於歷史迷嚟講其魅力簡直係不可抗拒！

最令人震撼嘅係，係冬季期間以成過千粒燈泡裝飾要塞嘅護城河，配合雪景猶如夢境一般美麗，登上旁邊嘅五稜郭展望塔的話更可以輕鬆欣賞以上景色。

以下為冬季北海道之旅絕對不容錯過嘅應節節目：

札幌雪縣係一個深受日本人及外國人喜愛嘅大型冬季節目，每年都有超過數百萬遊客到訪。通往札幌大通公園嘅沿途會擺設各式各樣嘅雪雕，而點燈活動更加會從黃昏開始直到晚上10點結束。

嚟自世界各地嘅參賽者亦會參加喺呢度舉辦嘅國際雪雕比賽。由於可以現場觀摩雪雕作品嘅製作過程，在場觀眾都會睇得非常興奮！

年度盛事嘅層雲峡冰瀑祭上設有各式各樣嘅冰雕，入夜亮燈後顯得五彩繽紛。而更加令到人興奮嘅係，夜晚仲有點綴夜空嘅煙花匯演！坐立於正中央嘅石狩川氛圍神聖無比，遊客走到附近設置嘅展覽台上，即可將壯麗景色一覽無遺。

青池係世界上其中一個最靚、最宏偉嘅人造池。隨住季節變遷，湖水將帶畀你唔同景色感受，尤其係眺望清澈嘅藍色湖水。保證會令你嘅心靈得以平靜，鍾意大自然嘅你絕對不容許錯過！冬天時湖面雖然會結冰，但周圍嘅樹林都會亮燈，為白皚皚雪景增添一絲溫韾。