喺日本，夏天係由六月到八月。雖然天氣可能會變熱，但係北海道仍然相當清爽，令佢成為非常受歡迎嘅夏季度假勝地。對於鍾意賞花嘅人嚟講，呢段時間一定要去北海道，因為美麗嘅薰衣草正盛開。
夏天北海道嘅天氣依然涼爽
氣溫其實並唔高
即使喺夏天，北海道天氣仍然好涼爽，平均溫度為16°C - 23°C。 要注意嘅係紫外線，喺呢度好強，做好防曬係絕對必要。 但係唔好因為咁樣就阻止你前往呢個美麗嘅地方，因為有好多好玩嘅景點同活動值得一遊！
日夜溫差變化
請記住，日夜溫差可能非常大。喺沿海同內陸地區，白天可高達30°C，夜間則低至20°C以下。
北海道夏天服裝建議
建議遊客帶上薄長袖衫或薄外套以防萬一。當然，預計前往嘅地點會決定你需要著嘅衣服。 日頭著涼爽衣服時，都要準備晚上嘅保暖衣物！
夏天嘅北海道有乜好玩
夏季嘅北海道有好多有趣嘅活動同景點。造訪嘅最佳時間，取決於你感興趣嘅活動或景點。以下係你可以考慮嘅一些內容：
夏天係觀賞北海道薰衣草嘅最佳時機
如果你鍾意呢啲靚靚紫色花卉，咁最好嘅觀賞時間就係七月。與日本其他地區相比，北海道嘅夏季相對較短暫，各種花朵亦喺呢個時候盛開。
位於富良野嘅富田農場，以壯麗彩色嘅花田景觀而聞名。除咗周圍環繞住茂密綠樹嘅廣闊薰衣草園之外，仲有一間cafe，提供美味嘅薰衣草雪糕。
景點資訊
- 名稱: 富田農場
- 地址: 北海道空知郡中富良野町基線北15号
- 交通: JR 富良野線「薰衣草花田車站」（步行到富田農場約7分鐘) * 此站僅有JR富良野線臨時列車「富良野・美瑛Norokko號」於夏季期間停靠，為特別臨時車站。
夏季於北海道旅行，享受戶外活動
鍾意冒險嘅人，一定要造訪二世古。隨住天氣逐漸暖和起嚟，有越嚟越多戶外活動，由徒步旅行到山地單地，甚至係激流泛舟同釣魚都有。
想做啲與眾不同嘅事？嚟坐熱氣球吧！二世古熱氣球節從6月初到9月底。你將被熱氣球帶到距離地面30米嘅空中，喺果度你可以欣賞倒二世古安努普利地區嘅全景。熱氣球亦好適合家庭旅遊嘅遊客啊。
景點資訊
- 名稱: 二世古熱氣球
- 地址: 北海道虻田郡二世古町
- 交通: 從二世古安努普利巴士站步行1分鐘
體驗獨特嘅鄂倫春火祭
如果想體驗網走真正獨特嘅夏日祭典，咁就去鄂倫春火祭吧。於每年7月嘅最後一個星期六舉行，為鄂倫春族嘅傳統節日。呢一日，鄂倫春人會燃點篝火，著住民族服裝唱歌跳舞，祈求豐收，並紀念那些已過世嘅人。
景點資訊
- 名稱: 鄂倫春火祭
- 地址: 北海道網走市南3条東4-5-1
- 交通: JR釧網本線「網走站」乘搭網走巴士，於「網走巴士總站」落車後步行約10分鐘
Comments