本篇文章內容由Relux Magazine提供。
大家有無見過南十字星呀？南十字星其實唔係一粒星星嚟嘅，而係由四粒星所組成嘅星座。正式名稱係「南十字座」。實際上係總共88個星座入面最細嘅星座。而日本只有沖繩可以望到南十字座，特別係喺八重山群島會易啲睇到。而一間喺南島「小濱島」嘅渡假酒店「HAIMURUBUSHI」呢個名就有南十字星嘅含意喇。呢次，我哋為你介紹，以呢間「南群星渡假區 HAIMURUBUSHI」為主，豐富嘅三日兩夜行程。
~從石垣島到小濱島~交通方法都係一個特別嘅體驗
出處：Relux｜南群星渡假區 HAIMURUBUSHI
從東京搭飛機到石垣島後，再搭船先可以去到「南群星渡假區 HAIMURUBUSHI」所在嘅小濱島。而包船嘅呢架「Carina」號遊艇係由負責石垣島水上活動嘅Pushiinushima（ぷしぃぬしま）公司所營運嘅。
出處：Relux｜南群星渡假區 HAIMURUBUSHI
搭一般渡輪從石垣島船運中心至小濱島只需大約30分鐘。而包船嘅話仲可以去到啲浮景點添。喺呢片淺水區域，滿滿嘅珊瑚礁，仲有超過50%機會可以邂逅到海龜，不妨嚟一場浮潛體驗，好好享受一下啦。喺海中暢遊嘅海龜們都等緊大家過嚟探佢哋㗎。
喺「星空保護區」竹富町小濱島嘅星空Café欣賞璀璨星光
出處：Relux｜南群星渡假區 HAIMURUBUSHI
由國際天文聯合會制定全世界共通嘅星座名總共有88個。而當中喺八重山群島係日本國內可以望到最多星座嘅地方，最多望到84個。仲啱啱被國際暗天協會（International Dark-Sky Association, IDA）認定為世界星空保護區添。滿天群星璀璨閃爍，喺呢個夜空舞台呈現一個浪漫嘅演出。
出處：Relux｜南群星渡假區 HAIMURUBUSHI
喺滿天星星下，有一間「星空Cafe」，可以俾你摸住紅酒杯，或者嚟杯原創調酒，渡過一段悠閒嘅時光。提供嘅餐點有墨西哥粟米片、西班牙小菜、生火腿拼盤等，活用當地食材烹出種類豐富嘅料理菜色。喺呢度可以好好咁同重要嘅人渡過一段寶貴時光。
喺好正嘅地方一解旅遊疲勞
出處：Relux｜南群星渡假區 HAIMURUBUSHI
小濱島擁有日本國內最大嘅珊瑚礁，總面積40萬平方米全部都屬於國家公園之內。喺琉球紅磚同珊瑚礁石為基調嘅小木屋式建築入面係超過47平方米嘅大客房。客房有眺望靚靚珊瑚礁海嘅海景房，仲有全年盛開南國熱帶風情花卉嘅庭園景觀房。無論你想輕鬆咁去旅行、定係喺特別日子好奢侈咁嘆返一下，咁多房型俾你揀，都一定可以滿足到你。
出處：Relux｜南群星渡假區 HAIMURUBUSHI
提供頂級海景房、海景套房、海景浴室套房等客房，住宿嘅貴賓限定早餐仲可以換成「Picnic Breakfast (野餐早餐)」添。好推薦喺夕陽廣場享用呀。唔止喺嗰度望到山嘅夕陽好靚，如果朝早去感受早晨清爽嘅微風，盪吓韆鞦, 好似返返去童年嘅時光咁，令人一早就精神爽利。其他入住呢度嘅特典就係可以搭好方便嘅接駁車隨意喺咁大嘅酒店設施之間移動，咁樣就可以盡情飽覽國立公園入面嘅大自然景色啦。棲息喺呢個豐富自然生態入面嘅動物們，都會現身歡迎訪客嘅來臨㗎。
淨係入住一次玩唔唒? 令人仲想再嚟嘅理由
出處：Relux｜南群星渡假區 HAIMURUBUSHI
喺小濱島可以參加島嶼巡迴觀光巴士團，玩唒成個西表石垣國立公園嘅其他小島。由天然紀念物寶庫之稱嘅西表島開始，一路玩到島上仍然保留好多古老房屋嘅竹富島。洋溢著沖繩風情同亞熱帶氣候之下嘅各個島嶼，各有唔同嘅風貌。而帶你行遍呢啲島嶼嘅必去之處嘅豐富觀光行程嘅路線居然超過10種，任君挑選。喺經驗豐富嘅導遊導覽之下，你可以一次又一次咁欣賞呢啲天然紀念物。
出處：Relux｜南群星渡假區 HAIMURUBUSHI
其他仲有好多豐富嘅水上活動。只有喺呢個島，先影到啲咁靚嘅相!
出處：Relux｜南群星渡假區 HAIMURUBUSHI
小濱島面積唔大，騎電單車都係約30分鐘就可以環島一圈。喺呢座360度環海嘅小島上，可以悠閒咁騎著電單車兜返轉呢! 就好似回到過去做返個細路仔, 無憂無慮咁遊玩啦。
將感動留存於心
出處：Relux｜南群星渡假區 HAIMURUBUSHI
無論嚟玩幾多次都意猶未盡，嚟到呢個魅力滿載嘅小濱島渡假飯店「南群星渡假區 HAIMURUBUSHI」，不妨去參加試吓玩好多只係得呢度先體驗到嘅活動啦。將呢啲感動留存於心入面，成為美好嘅旅遊回憶。你覺得點呢？
Relux
你可以Click呢度註冊成為Relux網站會員。
Relux會員優惠包含：
- 特別優惠Coupon
- 5% 回贈獎勵積分
- 最優惠價格保證
Comments