京都高雄地區享受大自然嘅最佳住宿

京都係一個保留好多傳統日本文化嘅地方，亦充滿咗大自然嘅美麗。前往京都嘅高雄地區非常容易，從京都火車站乘搭前往高雄嘅JR巴士就得。不妨逃離一下城市，嚟遠離塵囂嘅高雄地區行下啦？甚至可以預訂嗰度嘅酒店，喺清幽嘅環境中好好放鬆。

於京都高雄地區住宿

高雄觀光酒店

於「高雄觀光酒店」體驗正宗嘅日式旅館。酒店位於寧靜嘅高雄山區，坐落於一條河流前，從酒店房間可以欣賞河流風景。

從酒店可以直接行到去神護寺。年長嘅旅客可以輕鬆前往寺廟參觀，祈求健康長壽。亦可以喺神護寺影返啲靚相，因為觀光人潮較少，係影相嘅絕佳私房景點。

酒店資訊

• 名稱: 高雄觀光酒店(Takao Kanko Hotel)
  
• 地址: 京都府京都市右京區梅畑高雄町５
  
• 交通方式: 從JR東海道新幹線京都站中央出口，乘搭開往周山或栂尾嘅JR路線巴士(約50分鐘)，喺山城高雄落車後，再轉車乘搭本館專車(約3分鐘車程)。

京都紅葉家本館- 高雄山莊

如果希望尋找提供頂級服務嘅住宿，可以考慮高檔嘅日式旅館，例如「京都紅葉家本館- 高雄山莊」。京都紅葉家有兩個地方－「本館」及「別館」，本館毗鄰山脈，別館位於溪邊。

山莊為旅客提供貼心服務；鄰近大自然嘅住宿環境可以令你充分放鬆。可以享受半開放式嘅浴池或私人浴池，亦可以喺寬敞嘅榻榻米房間休息，欣賞窗外嘅大自然美景。

山莊內嘅懷石料理令人驚艷，同時滿足到你嘅視覺同味覺。仲可以付費欣賞努力成為藝伎嘅舞伎表演。

酒店資訊

• 名稱: 京都紅葉家本館- 高雄山莊 Momiji-ya of Takao Kyoto (Honkan)
  
• 地址: 京都府京都市右京區梅畑高雄
  
• 交通方式: 從JR東海道線京都站中央口出口，乘搭JR巴士約50分鐘，於山城高雄落車；從JR花園站乘搭的士約20分鐘。