日本國內最大嘅內陸型水族館：京都水族館

京都水族館係京都嘅第一個水族館，亦都係日本第一間完全使用人工海水嘅水族館。展示咗好多海洋生物以及當地特有嘅海洋生態系統。館內以「生命為與水共生」為宗旨，強調寓教於樂，致力於教育大眾水生生態系統嘅重要性。

關於京都水族館

水族館通常以展示海洋生物為主。京都水族館位於市中心，距離海洋遠，係日本第一間使用人工海水重建海水環境，使其成為一間適合飼養海洋生物嘅水族館。

京都水族館於2012年3月開業，係京都嘅第一間水族館。位於京都市中心嘅梅小路公園入面，雖然規模不如其他著名嘅水族館，但係京都水族館具有其他水族館無嘅特色。

過去，京都嘅河流被開發作為貨物運輸之用。除此之外，有好多文學作品特別係日本嘅古典和歌，都同京都嘅河流有關。

由此可見河流對於京都嘅重要性，唔怪得京都以其河流生態及文化為榮。京都水族館再現京都河流源頭到海洋嘅生命聯系，並提供當地居民認識海洋生物及生態嘅機會。

京都水族館門票成人2,050円，年票4,100円。營業時間全年無休，但因維修保養等因素，有臨時休館嘅可能性。

京都水族館深深秉持「生命為與水共生」嘅理念，努力成為一間「寓教於樂」嘅水族館，尤其細路仔可以喺呢度認識豐富嘅海洋生物、透過各種互動設施，享受學習嘅樂趣。

京都水族館嘅目標係教育人們了解河流同海洋中豐富嘅生物。

京都水族館有12個唔同嘅展區，大部分可能同其他水族館相似，但係有一啲包含咗京都嘅特色主題：「京之川」、「京之海」、「京之後山」。

呢啲展區展示出京都特色，詳細介紹京都海洋生物及生態系統。亦可以搵到世界上最大嘅兩棲類－日本大山椒魚，係受到國家保護嘅物種之一。

京都水族館全力以赴重建大山椒魚嘅棲息地，以便大家可以徹底了解呢種日本國寶生物。

位於市中心嘅京都水族館，由於使用咗人工海水，遊客唔需要跑去鄰近海邊嘅水族館，就可以睇到好多海洋生物。

從海洋生物、珊瑚礁、魚類、帶殼嘅生物，甚至京都河流中嘅兩棲類，都可以喺呢間水族館中睇到。

如果鐘意同海洋生物進行一啲互動，京都水族館內仲有一個海豚館，可以欣賞聰明友善嘅海洋動物－寬吻海豚嘅表演。

想喺京都水族館買啲嘢返去做紀念都得，行下紀念品店，有販售毛公仔、得意嘅糖果、餐具等等。

對於海洋生物迷嚟講，絕對唔可以錯過水族館嘅紀念品，唔單止可愛，仲可以做公益，只要購買紀念品，就可以支持京都海洋生物嘅保育活動，特別係京都稀有物種嘅繁衍。

係啦！佢哋仲有賣「大山椒魚超特大號公仔」（約170cm），售價25,720円（係嘅，我都知幾貴下，但佢嘅長度同一個大人差唔多高喔，都幾抵吖！）；或者買一隻細細隻嘅（約20cm），售價930円，可以擺放喺房間入面當裝飾品。