北海道富良野地區有好多美麗花田。夏季以一片紫色嘅薰衣草花田而聞名。部分農場喺薰衣草旁邊種植咗唔同嘅花朵，整片花田充滿咗各種顏色。夏季期間，富良野花田相當受到當地人及海外旅客喜愛，一同享受美麗花景。
日本人同外國旅客都鍾意去嘅富良野花田
北海道嘅一個地區-富良野，以薰衣草花田而聞名，吸引咗好多本地及外國遊客，特別係薰衣草盛開時。薰衣草曾經用於農產品，但由於60年代及70年代嘅需求減少，因此轉向成為一個旅遊景點。
欣賞薰衣草嘅最佳時間為7月中旬到8月初。薰衣草通常喺6月下旬開始綻放花朵。呢個季節嘅氣溫約攝氏19至25度。天氣晴朗時，溫暖舒適，穿著休閒夏裝應該無問題。
乘搭火車前往最方便，夏季期間，JR富良野線會加開臨時列車「富良野・美瑛Norokko號」，於薰衣草田站停車。
利用火車再加上步行，你可以輕鬆到達以下幾個農場：
好玩嘅富田農場
呢個係觀賞薰衣草嘅最佳地點。喺富田農場可以睇倒各種顏色嘅花卉，參觀農場入面嘅房屋及工作室，並了解薰衣草各種應用。亦唔好忘記要試吓薰衣草軟雪糕呀。
景點資訊
- 名稱: 富田農場 (ファーム富田)
- 地址: 北海道空知郡中富良野町基線北15号
- 交通: 從JR富良野線薰衣草花田車站(ラベンダー畑駅)步行約8分鐘
中富良野町營薰衣草園
中富良野町營薰衣草園嘅特色係可以乘搭單人纜車從空中俯瞰薰衣草園。冬季，呢個山坡會成為一個滑雪勝地。可以乘坐滑雪纜車觀景。
景點資訊
- 名稱: 中富良野町營薰衣草園 (中富良野町営ラベンダー園)
- 地址: 北海道空知郡中富良野町宮町1番41号
- 交通: 從JR中富良野站步行10分鐘
彩香之里佐佐木農場薰衣草園
與富田農場相比，呢個農場面積較細、遊客亦較少，但喺呢個季節入面，係放鬆同享受薰衣草嘅好地方。
景點資訊
- 名稱: 彩香之里佐佐木農場薰衣草園 (ラベンダー園 彩香の里佐々木ファーム)
- 地址: 北海道空知郡中富良野町字中富良野西１線北12号
- 交通: 從JR中富良野站步行約30分鐘
日出公園薰衣草田
從呢座小山丘嘅眺望台，可以睇倒上富良野鎮以及薰衣草花田。雖然需要爬一段階梯先可以登上眺望台，但係有薰衣草及五顏六色鮮花所包圍嘅階梯與小徑，沿途景色非常優美，值得一遊。
景點資訊
- 名稱: 日出公園薰衣草田 (日の出公園ラベンダー園)
- 地址: 北海道空知郡上富良野町東1線北27号
- 交通: 從富良野線上富良野站步行約15分鐘。
上富良野花田
上富良野花田入場費為成人500円，園區內可以乘坐農耕機巴士(1人200円) ，仲可以體驗薰衣草收割、押花等手工，無論邊一種項目，每次體驗費用只需1000円左右。
景點資訊
- 名稱: 上富良野花田 (フラワーランドかみふらの)
- 地址: 北海道空知郡上富良野町西5線北27号
- 交通: 從上富良野站乘搭的士約10分鐘
富田農場薰衣草東部
呢個薰衣草花田由富田農場所經營，為富良野最大嘅薰衣草田，佔地約14公頃。可以乘坐薰衣草遊園巴士，或者由農耕機牽引嘅遊園車，於薰衣草田進行15至20分鐘遊覽，成人乘車費用為200円。
景點資訊
- 名稱: 富田農場薰衣草東部(ファーム富田ラベンダーイースト)
- 地址: 北海道空知郡中富良野町基線北15号
- 交通: 從富田農場出發駕車約4公里（約7分鐘）
Comments