從旭川探索北海道中心

位於北海道中心，旭川市正逐漸成為熱門嘅旅遊景點。主要景點可以由札幌或北海道其他主要城市乘搭火車前往，旭川係一個不容忽視嘅北海道小鎮。喺本文中，我哋將概要介紹旭川，並提供有關該地旅遊嘅一些重點。

發現旭川之美

旭川係北海道第二大城市。當地經濟並非全以旅遊業為主，但隨住當地機場每日都有來往於東京和韓國嘅航班，慢慢咁吸引越來越多人前往旭川旅遊。

旭川於2000年先成為一個主要嘅城市，因其眾多嘅河流貫穿其中而聞名，觀光魅力十足。冬季氣溫通常唔會超過0度，令佢成為賞雪及舉辦冬季活動嘅好地方。神威滑雪場(Kamui Ski Links)位於城市以東20公里處，可以揸車或乘搭接駁車前往，為初學滑雪者及專業人士提供高品質嘅滑雪場。

由於旭川比較似一個當地小鎮，好難搵倒識講英文嘅當地人，甚至於滑雪季節之外，好少有外國遊客。如果你需要幫助，旭川站設有一個旅遊中心，有識講多種語言嘅工作人員，可以協助你前往想去嘅地方。除此之外，你可能需要用Google翻譯嚟解決問題，所以記住帶𠹺你個Wi-Fi蛋啦！

旭川最大嘅旅遊景點之一為旭山動物園。每年與東京上野動物園競爭最多嘅遊客數，旭山動物園帶有別具特色嘅北國在地風情。

雖然並無上野動物園咁大，但動物園嘅明星景點係北極熊玻璃穹頂，讓你可以睇倒雄偉嘅北極熊喺水中游泳玩耍。門票僅700円，從旭川站乘搭41、42或47號巴士，車程約40分鐘。

2月初，喺札幌雪祭之後，旭川會舉辦北海道第二大雪祭。旭川冬祭於市中心嘅兩個地方舉行。第一個會場係主要街道平和通。如果由旭川站出嚟，沿住街道漫步一公里，會睇倒令人嘆為觀止嘅冰雕作品。

第二個會場位於旭橋河畔，距離平和通嘅盡頭僅有10分鐘步行路程。喺呢度可以睇倒粉白色嘅雪雕。最好嘅觀賞時間為晚上，可以睇倒點燈嘅冰雕及煙花。

想喺旭川市留幾日，就要搵當地嘅酒店住宿。幸運嘅係，市內大多數酒店都位於車站附近，方便你前往旭川及北海道各地旅行。

如果想喺北海道所有鐵道路線主要樞紐「旭川站」附近搵一個舒適嘅房間，咁就非Y's Hotel旭川站前酒店莫屬啦。車站外行幾步就到達呢間酒店。

Y's Hotel旭川站前酒店嘅所有客房均配有免費無線網絡，頂樓嘅桑拿提供比酒店所有客人免費使用，令你喺涼爽嘅月份可以暖暖身子。入住時間為下午3:00後，退房時間為上午10:00。

旭川站附近仲有其他酒店可以選擇。旭川JR酒店位於AEON購物中心樓上，與購物中心嘅咖啡店合作，免費為住宿客人提供飲品；辦理酒店入住手續時仲可以免費獲得浴衣。