一年一度嘅札幌雪祭以種類豐富嘅酷炫冰雪雕塑而聞名，每年都吸引大批遊客千里迢迢嚟到日本最北島嶼朝聖。雪祭期間將會展示世上最大同最好嘅冰雪雕塑，今次就等我哋一齊前往TSUDOME會場、大通及薄野會場，為大家介紹呢個年度祭典啦！
享受札幌雪祭
札幌雪祭於每年2月初舉行，係畀過去一年於日本生活嘅國民一個好好嘅回顧。 雪祭期間，您有機會欣賞到著名地標嘅逼真雕塑，例如東京淺草寺等；仲有流行文化標誌，例如嚟自熱門漫畫《進擊的巨人》真人版大小嘅巨人雪雕！
歷年札幌雪祭
近年嘅札幌雪祭每年都吸引超過200萬人次，於2月初湧入兩個活動會場欣賞冰雕展示。TSUDOME會場嘅展示，喺大通．薄野會場雪祭嘅前一個禮拜舉行。而最大型嘅展示則喺札幌大通公園，2018年一共展出咗208件雕塑！
嚟自世界各地18個國家嘅創作家於大通公園國際雪雕比賽聚首一堂，展出自己嘅藝術作品。2018年，嚟自泰國嘅獲獎者創作咗一件精美作品，展示出該國最受歡迎嘅運動之一。薄野會場亦會每年舉辦一場名為「Susukino Queen of Ice」嘅選美比賽。
札幌雪祭動漫人物雕塑
如果用Google搜尋「札幌雪祭」，您或者會搵到多個動漫人物嘅雪雕圖片。事實上，札幌雪祭與「酷日本」嘅文化輸出經濟策略同樣具有相當嘅歷史，例如喺較早期雪祭中出現嘅《小飛俠阿童木》雕塑，就於2018年再度被引用為創作主題，為紀念佢嘅創作者「日本漫畫教父」手塚治虫90歲誕辰，巨型阿童木雕塑順理成章地成為當年雪祭焦點！
通常札幌雪祭嘅作品製作將會分為兩種型式，一種係企業或與企業合作創作，另一種則係業餘創作。企業展品通常係大規模作品，具有精緻細節，用於宣傳動漫或遊戲，如《LoveLive! Sunshine!!》或《Final Fantasy XV》。
以上合作當中，最著名嘅係「雪未來」嘅雪雕創作，亦即係虛擬偶像歌手「初音未來」嘅冬季北海道版。業餘創作雖然無企業雕塑嘅大規模咁令人印象深刻，但因為係由當地組織製造，有時甚至係個人作家，因此通常雕塑都會引用佢哋鍾意嘅流行文化元素或動漫角色。
札幌雪祭夜間點燈
夜間嘅札幌雪祭係欣賞雪雕點燈嘅最佳時間。雖然TSUDOME會場只開放到17:00，但薄野及大通會場嘅點燈會持續到晚上，兩個會場嘅雪雕都會打上燈光照明，非常漂亮。
觀賞雪燈最佳地點位於大通公園東部嘅札幌電視塔。您可以購買1100円嘅日/夜pass，用於白天及夜晚兩個唔同時段眺望雪祭會場。
如果唔想購買pass，單次入場門票為720円。雪祭期間，開放時間由8:30延長至22:30，一樣夠晒時間畀您享受夢幻白色世界！
活動資訊
- 活動名稱: 札幌雪祭
- 活動地點及日期: 大通、薄野會場及TSUDOME會場
- 開放時間: 大通會場亮燈至22:00；薄野會場亮燈至23:00（最後一日至22:00）；TSUDOME會場9:00～17:00
- 交通:
- 大通會場: 大通站出站即達
- 薄野會場: 乘搭地下鐵南北線至「薄野站」落車即達
- TSUDOME會場: 乘搭地鐵東豐線至「榮町站」落車後步行15分鐘。
Comments