喺日本北部嘅島嶼上，最南端嘅港口城市當中，函館朝市每日早上5點就開始活躍起嚟。函館朝市嘅海產為北海道最新鮮之一，係你於該地區旅遊時一定唔可以錯過嘅景點之一。本文我哋將討論函館朝市，以及如何充分利用你喺函館逗留嘅時間。
體驗函館朝市
聽講每日朝早函館朝市嘅海鮮，比東京築地魚市場更新鮮、更方便遊客前往光顧。市場以其友善態度及新鮮魚貨而聞名，其中某些更加係剛從海中捕獲嘅海產。
築地市場位於倉庫內，函館朝市則佔據咗4個街區，共有250間唔同嘅商店，提供各式魚類及海鮮拼盤。
函館朝市營業時間
函館朝市每朝5點開始營業，冬季除外。冬季由於北海道氣候寒冷，市場於早上6點才開放。
忠於“朝市”名稱，市場於中午12點關閉，所以如果想前往嘗試真正嘅北海道美食，必須要早起身先有機會。
函館朝市地點
幸運嘅係，函館朝市交通相當方便。無論係由JR函館站，或者乘坐函館市電後從函館站前出發，都只係相隔一條街嘅距離。
如果由日本本島乘搭新幹線前往，需要喺「新函館北斗站」轉乘JR到函館。
景點資訊
- 名稱: 函館朝市
- 地址: 北海道函館市若松町9-19
- 交通: 從JR函館站步行3分鐘
去函館朝市大飽口福
如果你喺日本旅行後仲剩低一啲現金，就會好高興知道函館朝市有唔少物美價廉嘅餐廳供應新鮮美食。
沿住蓋飯橫丁市場(どんぶり横丁市場)，可以搵倒一系列唔會令荷包大出血嘅餐館。日本大多數嘅蓋飯都附有各種配料，但喺函館朝市，你會發現大多數配料都係海鮮類。
包括三文魚、金槍魚、螃蟹，或者，如果想要更華麗一啲，可以選擇魚籽。各種蓋飯嘅價格由500到2000円不等。或者，如果你想嘗試自己撈魚貨，可以去最低樓層嘅釣烏賊攤位。
去到釣烏賊攤位，會發現一個裝滿新鮮烏賊嘅容器。釣倒烏賊後就交俾店舖為你處理。釣中型尺寸烏賊嘅體驗全程唔使1000円，非常吸引！
入住於函館朝市附近嘅酒店
當必須喺早上5點起身時，住喺函館朝市附近嘅酒店會比較方便。幸運嘅係，該地區有多個酒店及日式旅館可以選擇，而且非常靠近市場。
新奧特酒店 (Hotel New Ohte)
對於預算有限嘅旅行者而言，新奧特酒店(Hotel New Ohte)係當地CP值最高嘅西式酒店。地點就位於函館朝市對面嘅街道。意味住酒店距離函館站只有幾步之遙，方便你前往函館地區嘅其他地方。
酒店資訊
- 名稱: 新奧特酒店 (Hotel New Ohte)
- 地址: 北海道函館市若松町8-8
- 交通: 從JR函館站步行2分鐘
邊見旅館(Henmi Ryokan)
函館嘅邊見旅館(Henmi Ryokan)係有榻榻米地板、坐墊及早餐嘅日式風格旅館。位於函館朝市附近嘅函館市電對面，你可以喺早上5點朝市開市時起床，再慢慢行過去。
旅館資訊
- 名稱: 邊見旅館(Henmi Ryokan)
- 地址: 北海道函館市若松町4-6
- 交通: 從JR函館站步行5分鐘
Comments