位於京都南部嘅伏見酒造地區，為日本全國聞名嘅高級清酒生產地。最重要嘅係，其中有好多已經營數百年，旅客嚟到呢度肯定可以嘗試到各種各樣嘅清酒！ 仲唔快啲跟住小編一齊嚟探索呢個神奇嘅清酒天堂啦！
京都伏見酒造地區
伏見被稱為京都市南邊嘅大門。範圍為沿著宇治川、桂川及鴨川，以上三條河嘅平野部以及東山連峰嘅山巒地區一帶。伏見地區水資源豐富，擁有造酒必須用上嘅純淨優質水，作為日本屈指可數嘅酒鄉而聞名。街道旁林立著白壁土蔵等嘅酒造地區可以話係別具風情。
伏見造酒嘅開端為安土桃山時代。豊臣秀吉建立伏見城，開通伏見港，作為水陸交通中樞發展起嚟，從而開始造酒。
月桂冠大倉紀念館
「月桂冠」係一間於寛永14年（1637年）創業嘅酒庫。月桂冠酒廠建築物於明治42年（1909年）所建造，可以參觀當時嘅「土間」（日本傳統房屋內，室外與室內開過渡地帶），水井等。另外，仲展示出汲水、洗米、浸水過程中所使用嘅道具及順序展出製作酒母過程不可欠缺嘅工具，令大家可以更進一步了解當時嘅造酒情形。參觀完之後仲可以試飲3款清酒，亦設有紀念品店可以購買日本酒、奈良漬、酒饅頭、原創商品等等。
月桂冠大倉紀念館參觀費用以及開放時間
月桂冠大倉紀念館嘅對外開放時間為每日上午9:30～下午4:30。於日本新年假期（12月28日至1月4日）及盂蘭盆節（8月13日至8月16日）作休息。
成人入場費用為400円，12至17歲青少年為100円，11歲或以下小童免費。遊客可以免費獲得一樽純米大吟醸日本酒或一張明信片為入場紀念品。另外紀念館提供英文，中文，韓文及日文版嘅資訊小冊子。
景點資訊
- 景點名稱: 月桂冠大倉紀念館
- 地址: 京都府京都市伏見區南濱區247 612-8043
- 交通方式: 從京阪本線伏見桃山站徒步8分鐘抵達
如何從伏見稻荷大社前往伏見酒造地區呢？
感受完美麗宏偉嘅伏見稻荷大社，意猶未盡，想前往伏見酒造地區嘅話，建議返去伏見稻荷大社入口，再去「伏見稻何站」，避免行錯去「稲荷站」。
當抵達伏見稲荷站後，可以乘搭往南方嘅京阪本線，於中書島站落車。再徒步5分鐘即可抵達月桂冠大倉紀念館。 探索伏見酒造地區嘅旅程正式開始！
如何從京都站前往伏見酒造地區呢？
想從京都站出發抵達伏見酒造地區嘅話，最好嘅方法係乘搭近鐵京都線抵達桃山御陵前站。往西面方向徒步幾分鐘即可直接抵達伏見酒造地區。
嚟到伏見酒造地區感受當地酒廠聚集嘅懷舊氣氛，附近仲有多間日本酒專門店。想從桃山御陵前站出發前往月桂冠大倉紀念館，需徒步大約8分鐘路程。
Comments