北海道札幌有幾個購物區非常便利，經由地下通道與車站直接連結，即使落雨或落雪嘅日子亦可以舒適咁享受購物樂趣！呢個充滿時尚服飾店、餐廳、雜貨等嘅購物區，總係吸引眾多遊客同當地人。由於店舖密集，可以一次過行遍各種唔同類型嘅商店。接落嚟我哋要為你介紹幾個購物區，即使時間有限，仲係可以享受購物樂趣！
一個應有盡有嘅札幌購物中心
38層樓高嘅「JR塔大樓 (JR Tower)」位於札幌市中心JR札幌站（北海道交通樞紐）。呢度有購物中心、酒店、辦公室、觀景台等設施。多個商店，例如服飾用品、餐廳、大型家電用品店等都聚集喺JR塔大樓中四個區域，令購物非常方便。附近仲有百貨及綜合設施，每日都人潮擁擠。從JR塔大樓前往一些主要觀光景點都相當方便。
景點資訊
- 名稱: JR塔大樓 (JR Tower)
- 地址: 北海道札幌市中央區北5條西2丁目
- 交通: 從JR札幌站直達
百年以上歷史嘅拱廊式「狸小路商店街」
札幌狸小路商店街為北海道歷史悠久嘅商店街之一。1869年左右，商家與餐廳開始圍繞住目前被稱為「狸小路」嘅2丁目及3丁目地區營業。呢條購物街長期以嚟為當地人所熟識，共有7個街區，長達900米，約有200間商店。各商店街都有拱廊屋頂，即使有落雨或落雪都可以舒適地購物。 充滿各式各樣商品，從新鮮食品到服裝、雜貨等都有。仲可以搵到家俬及家用電器產品商店。
景點資訊
- 名稱: 札幌狸小路商店街
- 地址: 北海道札幌市中央區南2・3条西1～7丁目
- 交通: 於札幌市營地下鐵南北線・東西線・東豊線「大通」站落車、步行5分鐘；於札幌市電「狸小路」站落車、步行1分鐘。
去「札幌大通公園地下街」執平貨
去札幌大通公園地下街，可以喺地下購物中心「Aurora Town」同「Paul Town」享受行時尚服飾店，亦有餐廳、Cafe等。對於居住於經常落雪嘅札幌市市民而言，地下購物中心係一種好方便嘅購物方式，所以呢度總係相當熱鬧！特賣活動亦經常舉行，有好多機會以實惠價格買到優質商品。位於Aurora Town嘅北海道土產專賣店「Kita Kitchen」，可以買到各式各樣北海道紀念品，例如芝士、火腿、香腸、麵包、昆布、魚以及當造蔬菜等。 札幌大通公園地下街更提供免費Wi-Fi，讓你於購物時保持通訊無阻。
景點資訊
- 名稱: 札幌大通公園地下街 (Aurora Town ・ Paul Town)
- 地址: 北海道札幌市中央區大通西1～3丁目
- 交通: 與地下鐵南北線・東西線・東豊線 大通站 直結通
札幌最佳購物聖地: 紅磚露台購物中心
紅磚露台為一座2014年開業嘅商業設施。靠近札幌車站，位於北海道廳舊總廳舍前方，俗稱「紅磚廳舍」。呢度除咗可以搵到時裝及雜貨店，更有餐廳、Cafe等。此建築為北海道第一家商店嘅所在地，交通便利，每日都有好多人潮到此逛街。仲有一個觀景台區可以睇到紅磚廳舍，亦有一個休息空間，令呢個設施成為一個小天地，可以喺繁華嘅城市中心感受大自然。
景點資訊
- 名稱: 紅磚露台購物中心
- 地址: 北海道札幌市中央區北2条西4丁目1番地
- 交通: 從JR「札幌」站步行5分鐘；從地下鐵南北線「札幌」站步行2分鐘；從地下鐵東西線・南北線「大通」站步行5分。
Comments