日本汽車製造大廠之一嘅日產(NISSAN)汽車，由1933年創立以嚟而家已經超過咗85個年頭。有一個地方，能夠俾你一鼓作氣回顧返NISSAN嘅歷史，就係位於神奈川縣座間事業所嘅「NISSAN HERITAGE COLLECTION GARAGE」。呢度平時係製造電動汽車嘅電池。淨係呢度展示嘅車就將近３００部。展示嘅車、再加上維修中嘅車，一共集結咗差唔多６００部充滿歷史嘅車。只要入NISSAN汽車嘅官網，就可以預約參觀，邊個都可以去㗎。。
由製造大眾款式嘅車而開始嘅NISSAN歷史。
日本汽車製造大廠之一嘅日產(NISSAN)汽車，由1933年創立以嚟而家已經超過咗85個年頭。有一個地方，能夠俾你一鼓作氣回顧返NISSAN嘅歷史，就係位於神奈川縣座間事業所嘅「NISSAN HERITAGE COLLECTION GARAGE」。呢度平時係製造電動汽車嘅電池。淨係呢度展示嘅車就將近３００部。展示嘅車、再加上維修中嘅車，一共集結咗差唔多６００部充滿歷史嘅車。只要入NISSAN汽車嘅官網，就可以預約參觀，邊個都可以去㗎。
一行入車庫裏面，居然放咗一部經典車款喺嗰度。嗰部就係1933年開賣, NISSAN汽車第一部大量生產嘅車「Datsun12型」。當時嘅日本，要揸排氣量750㏄以下嘅車牌，只要去相關政府部門申請就可以簡單拎到。而當時NISSAN嘅夢想係, 想製造一部喺呢個世界無論邊個都可以坐到嘅車。
其他，仲有好多NISSAN嘅經典車款，但就無辦法一一同你介紹所有車款喇。因為呢度淨係展示嘅車就將近有300部。而令NISSAN喺世界市場嶄露頭角嘅係「BLUEBIRD」、1960年代後期喺比賽度一展拳腳，傳說中嘅車款「SKYLINE GT-R」、同埋針對大眾市場推出嘅高性能跑車「FAIRLADY Z」等等，都俾你可以親眼欣賞到每部名車嘅歷史。
親身試坐歷史名車
呢度所展示嘅車唔單單只有大量生產嘅車。NISSAN過去曾經係日本最熱衷賽車嘅製造商。喺1958年，當時，日本車喺世界市場嘅地位存在感極低，喺初代「BLUEBIRD」只安裝咗安全配備嘅「Datsun 富士號」就去參加咗澳洲環洲越野賽，第一次參賽但最後攞咗冠軍!
趁著呢股氣勢，60年代至70年代之間，NISSAN喺世界拉力錦標賽度榮獲多項殊榮。當中最嚴峻嘅美國Safari Rally拉力賽贏咗7次。單一汽車品牌榮獲最多優勝次數嘅紀錄至今都未未曾被人打破。而喺呢個Safari Rally拉力賽度大放異彩嘅「FAIRLADY Z」同「VIOLET GT」等車款都有展示。當然現場仲展示咗好多車款，包括挑戰專用賽道嘅「利曼24小時耐力賽」而獲得佳績嘅「R390」等比賽專用車款，多到你數都數到手軟呀。
而且，呢間NISSAN HERITAGE COLLECTION GARAGE，唔淨係俾你開心賞車咁簡單。居然仲可以俾你揸呢啲咁貴重嘅古董車出街。採訪嗰日，我揸咗一款開篷車「Datsun FAIRLADY」，呢款車係1960年喺美國市場發售。行駛喺條路度，完全唔能夠相信呢部車已經有58歲喇，但坐起嚟仲係好舒服，流線型嘅設計，更重要嘅係，乘風奔馳嘅快感。簡直係最正嘅享受。鍾意汽車嘅大家，嚟日本旅行時，一定要順便嚟NISSAN HERITAGE COLLECTION GARAGE望吓啦。
景點名稱：NISSAN HERITAGE COLLECTION GARAGE
地址：〒252-8502 神奈川縣座間市廣野台2-10-1 NISSAN日產汽車股份有限公司 座間事業所 ＊入口喺２區嘅正門
交通方式：先去小田急江之島線嘅南林間站, 搭前往「日產」「相武台前站」「小田急相模原站」方向嘅神奈川中央交通巴士，喺「hibariga丘１丁目」落車，步行約7分鐘；或者喺相鐵本線嘅sagami野站，搭前往「南林間站」方向嘅相鐵巴士，「hibariga丘１丁目（或工機入口）」落車，行約７分鐘。
Comments