體驗京都‧哲學之道嘅寧靜

京都哲學之道(Tetsugaku no Michi)位於京都東山區北部、一條適合悠閒漫步嘅小徑，其名稱來源於京都大學嘅一位哲學教授。哲學之道沿著一條小運河開闢，沿途有好多美麗嘅櫻花樹。值得花時間嚟欣賞呢個令人驚嘆嘅地方，特別喺秋天嘅時候。

喺京都沿著哲學之道悠閒漫步

你可以沿著呢條小徑漫步，享受輕鬆優雅嘅氣氛。呢度地理位置絕佳，任何人都可以前往，特係嗰啲熱愛大自然嘅人。對於愛貓人士而言，應該會好高興得知哲學之道上有一個貓貓聚集嘅地方。

沿著小徑可以發現多間小店、餐廳同Café。喺餐廳用餐，可以同時欣賞美景，觀察途人。如果對佛寺同神社有興趣，可以前往距離哲學之道嘅運河僅幾步之遙嘅寺廟，參觀法然院同熊野若王子神社。

哲學之道距離最近嘅巴士站只要步行2分鐘。從京都車站出發，喺巴士總站乘搭市營巴士100，直達法然院町站。乘車時間大約35分鐘，費用為230円。

哲學之道喺各個季節都好靚，係一個非常有魅力嘅觀光景點。如果想欣賞盛開嘅秋葉，建議喺11月下旬至12月上旬之間前往遊覽。可以睇到金色同紅色嘅葉子。

花啲時間嚟好好欣賞呢條美麗嘅小運河，以及沿途樹木嘅壯麗景色。呢度值得你花幾個鐘嚟好好享受，遠離一下喧擾嘅京都市中心。如果有前往京都嘅計畫，唔好唔記得將哲學之道列入行程中喇。建議可以經由哲學之道，從銀閣寺行到去永觀堂。會係享受呢條小徑最好嘅方式之一。