京都天橋立嘅冬天

日本三大知名景點之一、位於京都府宮津市嘅天橋立，係一個從北向南將宮津灣同阿蘇海分隔開嘅沙洲。喺呢片全長約3.6公里、寬20至170m嘅沙洲上，生長咗約八千棵嘅松樹。有各種方式嚟享受呢片沙洲嘅美景，可以散步、騎單車或划槳。今次我哋將為大家介紹享受天橋立冬天嘅另一種方式。

天橋立嘅白雪

天橋立嘅氣溫隨著入冬而逐漸下降，早晨會發現積雪。特別係松樹上嘅積雪景象，簡直靚到一切言語都無法形容，係一種與其他季節完全不同嘅氣氛。太陽升起嘅時候融雪嘅場景被稱為幻影。如果時機好，可以喺「天橋立View Land」上面睇到被白雪覆蓋嘅天橋立美景。

智恩寺，距離天橋立5分鐘步程

每年1月10日喺智恩寺舉行嘅「十日戎」係一項傳統祭典，目的為祈求生意興隆同學業成就。好多人為咗購買據聞會來財富同好運嘅竹耙（日語稱「熊手」）而前來。每年呢個時候智恩寺都會充滿人潮、非常熱鬧。

景點資訊

• 名稱：智恩寺
  
• 地址：京都府宮津市天橋立文珠466
  
• 交通方式：乘搭京都丹後鐵道至「天橋立」站下車，步行5分鐘
  

元伊勢籠神社嘅新年參拜「初詣」

日本嘅新年有「初詣」嘅習俗，意思係新年第一次嘅神社參拜。為感謝過去一年神明嘅保佑，並祈求新嘅一年都可以順利平安。前往籠神社進行新年參拜會係一個唔錯嘅選擇。

喺天橋立附近有一個溫泉，可以喺冬季旅行時俾你暖下個身。之後仲有豐富美味嘅時令海鮮，例如螃蟹同黃尾魚。一於嚟享受一下天橋立嘅時令美食啦？

景點資訊

• 名稱：元伊勢籠神社
  
• 地址：京都府宮津市字大垣430
  
• 交通方式：於京都丹後鐵道「天橋立」站乘搭巴士，到「元伊勢籠神社前」站，車程約25分鐘。