「錦市場」係京都市歷史悠久嘅零售市場。愛好美食嘅人，過嚟參觀呢個市場一定都會愛上。從日本糖果餅乾、乾貨海鮮、到醃製物等應有盡有，仲有好多京都特色菜餚可以試食選購！
喺京都錦市場購買美味嘅食物
錦市場又長又窄，入面超過100間店面或餐廳進駐。嚟到呢度，可以搵到好多同美食相關嘅商品，睇到眼花撩亂，種類豐富任君挑選，例如有新鮮嘅海鮮、農產品、京都特產，仲有廚房用具。
呢度所販賣嘅商品幾乎都係京都本地生產製造、從京都各地區進貨。嚟到呢度，可以一探究竟京都嘅美味，了解京都各地美食嘅好地方。一於嚟呢度試食一番，或者喺小食店買一啲現做嘅美食嚟食下啦。
鐘意享用美食嘅你，絕對唔可以錯過錦市場，仲可以體驗當地市場嘅氣氛。絕對可以花上半日時間，仔細品嚐呢度嘅美味，俾你買得開心、食得開心。
營業時間：一般為朝早9點半至夜晚六點，各家店面營業時間有所不同。星期三或星期日作休息，依店鋪而異。
相關資訊
- 名稱: 錦市場
- 地址: 〒604-8054京都府京都市中京區富小路通四條上る西大文字町609
- 交通方式: 從四條站徒步約10分鐘，從四條高倉公車站徒步約2分鐘
入住京都錦市場附近嘅酒店
想要住得離錦市場近一啲，可以考慮以下幾間酒店，房間景觀都唔錯啊。
京都葵酒店 (Aoi Hotel Kyoto)（４星）
京都葵酒店 Aoi Hotel Kyoto俾你能夠體驗更地道嘅京都。部分房間入面擺設咗古董屏風、浮世繪，仲有日式傳統建築裝潢。
有啲房間窗外就可以欣賞鴨川同嵐山美景，俾你沉浸喺京都古色古香嘅優雅美景。京都葵酒店屬於高級豪華嘅酒店，一晚房價約2萬円至10萬円，如果唔太在意房價，非常建議考慮入住呢間酒店。
相關資訊
- 名稱: 京都葵飯店 (Aoi Hotel Kyoto)
- 地址: 京都府京都市下京區天王町146
- 交通方式: 河原町站徒步約4分鐘；從錦市場徒步約9分鐘
京都四條河原町向日葵酒店 (Kyoto Himawari Shijo Kawaramachi)（２星）
下榻呢間向日葵酒店，宛如入住日式傳統旅館，但價錢上便宜好多。全部為禁煙房間，每個房間都有庭園造景，為求俾客人度過一段美好舒適嘅時光。
客房內有咖啡機，部分客房仲設置咗擺放咗微波爐同烤麵包機嘅簡易小廚房。一間標準房房價，單人入住從5千円至6千円不等，雙人房價係7千円至9千円不等。能夠以合理嘅價格來一場正宗嘅日本住宿體驗。
相關資訊
- 名稱: 京都四條河原町向日葵酒店 (Kyoto Himawari Shijo Kawaramachi)
- 地址: 京都府京都市下京區塗師屋町仏光寺上る富小路通 103
- 交通方式: 從四條站徒步約6分鐘；從錦市場徒步約4分鐘
京都千禧一代膠囊旅館 (The Millennials Kyoto)（２星）
京都千禧一代膠囊旅館係一個非常獨特嘅膠囊旅館。所使用嘅床墊可以調整傾斜度，當作沙發椅靠都唔錯，另外床下有空間能夠收納行李，部分房型仲有投影機，可以連結智慧型裝置，俾你所睡嘅區域變成小型家庭劇院。
而公共區域能夠讓人好好休息，輕鬆自在地度過，有時仲可以同旅館嘅客人交流。仲有辦公區域，廚房，餐廳，每日有免費早餐可以享用，咖啡免費24小時暢飲，下午５點半至６點半會提供免費啤酒，不妨飲杯放鬆一下啦。
單人床膠囊空間約4,000円，兩張單人床嘅膠囊空間約7,500円。如果想來一場不一樣嘅住宿體驗，不妨考慮呢間啦！
相關資訊
- 名稱: 京都千禧一代膠囊旅館 (The Millennials Kyoto女
- 地址: 京都府京都市中京區山崎町235
- 交通方式: 河原町站徒步約5分鐘；從錦市場徒步約7分鐘
如何從京都站到錦市場
從京都站到錦市場嘅交通十分簡單，而且唔需要花上太多時間。前往錦市場有以下2個交通方式。
- 從京都站乘搭京都市營地下鐵烏丸線至四條站，徒步約8分鐘便可抵達錦市場。時間約11分鐘，票價210円。
- 從京都站乘搭市營5號巴士至四條高倉巴士站，徒步約4分鐘可抵達錦市場。時間約22分鐘，票價230円。
從車站二樓嘅旅遊資訊中心可以獲得更多相關資訊，旅遊資訊中心嘅員工均可對應多種語言。
Comments