本篇文章內容由Relux Magazine提供。
係東京隔離嘅神奈川，擁有好多豐富嘅大自然資源，有湯川原和箱根等等，係呢個觀光勝地，當然有好多高級酒店，令人只想懶洋洋享受、放空嘅奢侈時光。今次，我哋Relux編輯部將為大家介紹位於神奈川嘅高級酒店讓大家享受一個奢侈懶洋洋嘅時光。每間設施擁有舒適寬敞嘅空間、美味嘅餐點、以及療癒身心嘅溫泉，住宿嘅三大條件都非常完美，享受極致嘅住宿，渡過一段愉快嘅時光。
強羅天翠
從強羅站徒步大約2分鐘嘅「強羅天翠」其立地非常適合觀光遊玩。享受箱根名泉同舒適嘅空間，係一間奢華嘅酒店。富饒嘅大自然包圍之下，欣賞美麗嘅風景，令人忘卻城市喧囂嘅日常生活。喺強羅天翠渡過一段非日常體驗，一於就從足湯Café&Bar「待宵」開始啦。溫暖雙足，暢飲調酒同咖啡等飲品，一解旅途嘅疲勞。
客房共有8種類型，都係和風基調。喺附設露天溫泉嘅客房「翠星」飽覽雄偉寬廣嘅箱根全景。喺最上層嘅「翠苑」則開放感十足，一片寬敞嘅空間。每間客房設計都唔同，各有特色風格，可以根據一家大細或者係情侶等唔同旅行組合揀選房間。
包場嘅露天溫泉提供兩種唔同嘅溫泉「明星之湯」和「明神之湯」，露天溫泉最吸引人嘅地方就係可以將雄偉嘅全景一覽無遺。「明星之湯」一入夜就會點燈，非常有氣氛。另一方面，「明神之湯」有產生超微細氣泡嘅現代浴缸。一噤粒制就變身為泡泡浴，同明星之湯完全不同嘅享受。而大浴場有露天風呂同室內浴池兩種，露天溫泉嘅泉水係100%源泉掛流。不妨喺呢個寬敞嘅浴池，徹底伸展雙手雙腳，好好放鬆，享受最高級嘅沐浴時光。
夜晚，令人食指大動嘅係使用當季食材嘅日本料理，每月更換新菜單。當季嘅新鮮美味遍佈全身每一寸肌膚，簡直係極致幸福嘅一刻。西京漬青甘鰺杉板燒、和牛牛排和山藥拌飯等多款精心設計嘅菜色，令人大快朵頤。酒店內設置咗兩個場所可供用餐，半包廂式嘅餐廳「花鳥」及位於2樓嘅和風日式餐廳。無論喺邊一間餐廳享用餐點，沉穩寧靜嘅氣氛，讓人能夠悠閒咁好好品嘗美味餐點。
吹矢旅館
「吹矢旅館」佇立喺寂靜嘅湯河原，一共有七個唔同嘅浴池，以及數寄屋造建築嘅客房，讓來客能夠享受一個安詳寧靜嘅夜晚。遠離繁忙嘅日常，將腳步移至呢個和風與西洋交織而成嘅旅館又點睇呢？從呢度前往箱根及御殿場Outlet等觀光景點交通都好方便，係觀光旅行入住嘅好選擇。
客房分為六種類型，感受傳統嘅和風氛圍。當中，TypeA房型係10帖大小嘅和室，設有寬敞嘅緣側(日式走廊)，成個面積超過74平方公尺。而房間內設置咗時尚座椅，可以坐喺嗰度欣賞湯河原四季唔同美景。TypeA房型仲設置咗檜木製嘅室內浴池，讓您可以浸喺大大嘅浴池入面，好好咁享受一番。
吹矢旅館最引以為傲嘅設施就係，旅館內共有七個溫泉，開放感十足嘅包場私人露天溫泉，恣意享受溫泉，仲有日照充足嘅大浴場等等。其中，位於屋頂上嘅私人露天溫泉，朝早可以飽覽湯河川嘅美麗大自然，夜晚可以欣賞閃爍動人嘅星空。不妨一個人霸佔眼前呢片美麗雄偉嘅景色啦。浸咗溫泉，洗淨一身嘅疲勞之後，可以喺芳療室或者係岩盤浴，徹底放鬆，享受極致幸福嘅時光。而芳療按摩，提供咗精油芳療舒緩按摩，以及美腿緊緻煥新等療程。
多款使用當季食材，令人滿心雀躍嘅料理。真係令人等唔到切夜晚啦。使用咗相模灣現捕嘅新鮮海產等美味料理，每月都有唔同嘅新菜單推出。可以喺房間入面慢慢咁品嘗美食。並準備咗日本酒、啤酒、燒酒、紅酒等各種酒品俾客人享用，配搭美食，美味更上一層樓。早餐則係用土鍋炊煮嘅福島縣產越光米，同備長炭烤出嚟香噴噴海苔等料理，盛情款待嘅精緻美味菜色，俾大家從一朝早開始就享受奢侈時光。
大自然環繞嘅悠閒時光
離都會唔遠嘅場所，可以享受大自然嘅神奈川。喺神奈川入面有好多酒店、旅館，可以令人忘卻日常嘅喧擾，渡過一段屬於大人嘅假期。嘗盡北海道美味料理，坐享箱根雄偉壯闊美景嘅溫泉，呢類嘅旅館不在少數，無論造訪幾多次都可以盡情享樂。神奈川嘅玩法有好多，可以當日來回，亦可以長時間停留，可以規劃各種各樣嘅旅遊方式。不妨嚟呢度渡過一段奢侈嘅渡假時光啦。
Relux
您可以點此註冊Relux網站會員。
Relux會員優惠包含：
- 特別優惠折扣券
- 5% 回饋獎勵點數
- 最優惠價格保證
Comments