日常用品、生活雜貨、居家裝飾同手工藝品等，各式各樣嘅商品都應有盡有嘅就係TOKYU HANDS。日本最北嘅店舖位於北海道札幌，而最南端則係沖繩那霸，日本全國各地都搵到佢嘅蹤影。當中，美容保養產品由頭髮保養、身體保養、臉部保養呢類商品，到髮梳、足部護理等多樣化嘅商品都有。從而吸引咗好多講究美容保養嘅女性客人。喺呢堆商品當中，今次就等我哋介紹啲想推薦俾女生嘅番梘款式，呢款番梘能夠保濕、去黑頭粉刺同老化角質。
搭配天然精油！富含保濕效果，令肌膚保持滑滑嫩嫩！「LEAF＆BOTANICS按摩番梘 橙味」／432日圓（含稅）
「LEAF＆BOTANICS」系列嘅所有商品都添加咗天然精油。佢仲有肌膚保養同身體保養等產品。而其中一款按摩番梘係以植物性番梘質地為底，利用唔易融化變形嘅「入模冷卻成型」方法製成嘅。內含具有保濕效果嘅砂糖同甘油，洗完之後嘅肌膚充滿水份滋潤。橙味精油嘅香氣好好聞又係一大特色。其他仲有葡萄柚、薰衣草、天竺葵、迷迭香同檸檬草等共6種味。無論係臉部定係身體肌膚都適用。
天然成分100%純手工製作嘅番梘！將黑頭同老舊角質徹底清除乾淨！「PurSavon Mg」／2,160日圓（含稅）
保持肌膚水嫩嘅同時，仲可以清潔毛孔，將黑頭同老舊角質徹底清除乾淨而受到熱烈討論嘅番梘。以牛油同椰子油為底，搭配珊瑚鈣同澳洲產嘅鎂等成分。嚟自天然成分仲要百分百純手工製作嘅番梘，佢嘅綿密細緻嘅泡泡係一大特色。可以用嚟卸妝、洗臉、沖涼同洗頭髮，好多用途。將泡泡覆蓋成塊臉，等1到2分鐘再用清水洗乾淨都得㗎。呢種「泡泡面膜保養」都好推薦俾大家試吓。因為番梘嘅成分100%純天然，就連BB仔都可以安心俾佢用呀！
- 店名 : TOKYU HANDS澀谷店
- 地址 : 〒150-0042 東京都澀谷區宇田川町12-18
- 營業時間 : 10:00 ～ 21:00
- 公休日 : 不定期公休
- 交通方式 : JR「澀谷站」八公口行約8分鐘
Comments