「宇治」位於京都府嘅南方，以抹茶、禪文化和《源氏物語》而廣為人知。宇治以流動咗千年以上嘅「宇治川」為中心，逐漸發展出深厚嘅文化，大家可以喺宇治川欣賞螢火蟲同傳統捕魚法「鵜飼」，以及紫式部嘅魅力。
宇治川嘅歷史
「宇治」位於京都府嘅南方，係一座人口數僅次於京都市嘅城市。京都最有名嘅河川之一「宇治川」已經流動咗千年之久，而川上嘅宇治橋約建於西元七世紀中葉，宇治因而成為咗連結奈良、京都、滋賀嘅水陸要衝，非常繁榮。
平安時代嘅宇治係貴族藤原氏嘅別墅所在地，發展出華麗嘅貴族文化，象徵極樂淨土嘅「平等院鳳凰堂」就係呢一個時期嘅文化代表。喺平等院鳳凰堂誕生之前，平安時代女作家紫式部以宇治為背景舞台，寫出咗描寫貴族社會嘅長篇小說《源氏物語》。宇治川嘅傳統捕魚法「鵜飼」，據聞都係從平安時代發展而成。
宇治川發源於滋賀縣琵琶湖嘅南端，流經京都盆地並與淀川合流，最後貫穿平原注入大阪灣。原本嘅宇治川係一條直直向西流嘅河川，西元1594年豐臣秀吉為咗興建伏見城需要運送建材與物資，因而改變宇治川嘅河道成為咗今日嘅面貌。
夏天嘅風物詩 宇治川嘅螢火蟲
日本幾十種螢火蟲品種當中，最具有代表性嘅就係「源氏螢」（ゲンジボタル）同「平家螢」（ヘイケボタル）。可能你都已經估到，螢火蟲嘅名稱由來正係同《源氏物語》有關。
宇治川自古以來酒以螢火蟲聞名，《源氏物語》中主人公光源氏放生螢火蟲嘅情節，係作品當中嘅名場景，因此將宇治川上較大嘅螢火蟲命名為源氏螢；而另一個較小嘅品種命名為平家螢嘅理由係因為，呢兩種螢火蟲同時喺宇治川上飛舞嘅情形，令人聯想到到平安時代後期「源氏」同「平家」兩大勢力之間嘅戰爭「源平合戰」，戰爭嘅結果由源氏打敗咗平家，因此坊間就將大螢火蟲稱為源氏螢，小螢火蟲稱為平家螢。
每年5月下旬至6月中旬左右，喺宇治市植物公園都會舉辦螢火蟲鑑賞會，如果你喺呢個時段來訪，就唔好錯過呢個親近螢火蟲嘅好機會啦。
傳承千年嘅捕魚法 宇治川鵜飼
「鵜飼」係一種日本傳統嘅捕魚方式，由鵜匠驅使鵜鳥到河川入面捕魚。喺日本其他地方都有機會睇到，不過宇治川嘅鵜飼據聞最早從平安時代就已經開始咗，歷史相當悠久。由於鵜匠係一種非常專業嘅職業，不僅人數少，且大多由男性擔任，而宇治川鵜飼最大嘅特色就係三位鵜匠中有兩位係女性，令人眼睛為之一亮。
由於鵜飼傳承不易，加上捕魚方法進步，而家以鵜飼捕魚為生嘅漁民已經大幅減少，不過喺每年7月初至9月底左右，你都可以嚟宇治川乘搭觀賞船欣賞到呢項傳統技藝。
宇治嘅經典風景 宇治川隔離嘅紫式部像
正因為《源氏物語》喺日本文學當中具有好高嘅地位，宇治同《源氏物語》嘅作者紫式部結下咗不解之緣。無論你有無讀過呢部曠世巨作，如果嚟到宇治建議一定要嚟搵搵紫式部嘅石像，其優雅嘅身影以宇治橋同宇治川為背景，係宇治最經典嘅風景之一。
景點資訊
- 名稱：宇治市
- 地址：京都市宇治市
- 交通方式：自京阪電鐵「宇治」站落車徒步5分。自JR「宇治」站落車徒步5分。
Comments