喺亞洲地區, 四季分明嘅國家, 日本絕對係算得上數一數二。地理環境同經絳度嘅優勢, 令日本嘅春夏秋冬, 風情萬種。更加唔少得, 因應四季而受獲嘅美食饗宴, 就更係令一眾為食嘅饕客們去完又會想再去日本, 都只係為咗食當造嘅美食。講到秋天嘅日本, 美景嘅代表梗係楓葉, 而美食擔當推薦嘅係秋蟹啊。
京都最熱門室內楓景點：琉璃光院
京都本來就係日本旅遊最有人氣嘅城市之一, 更唔使講配上秋天楓葉同銀杏嘅加持, 令外國觀光客蜂擁而至。賞楓景點多數都係戶外寬闊嘅風景。而喺八瀨嘅琉璃光院, 可謂近年人氣快速上昇, 而其中最主要嘅原因當然係佢靚到令人透唔到氣嘅絕景啦。同院內嘅建築互相配襯, 映照出嚟好似超越時光同空間嘅奇幻感。就咁企喺琉璃光院入面, 都有一種講唔出嘅療癒感撲面而嚟啊。所以由平安時代開始, 呢度就係深受貴族同武士們喜愛嘅療養勝地。
琉璃光院一年只對外開放秋季同夏季俾觀光客們參觀，今年秋季賞楓時間預定為10月1號至12月10號，嚟呢度嘅遊客們都可以喺寺院入面抄寫字帖，抑或係點杯熱茶坐喺庭園入面欣賞美景。但到訪嘅遊客要特別注意院內嘅規則呀，例如閃光橙、腳架、自拍神棍等等都係禁止使用㗎。呢度嘅參訪票價係2000日圓，相比起其他賞楓景點都貴唔少，但琉璃光院嘅絕世美景，一定能夠令你覺得值回票價㗎。
京都府市人氣第一賞夜楓景點：高台寺
位於東山區世界遺產清水寺附近嘅高台寺，喺「2017紅葉情報調查」之中，係排名全日本第二，京都府內第一嘅賞楓景點。嚟到東山區, 可以安排日頭參觀世界遺產清水寺同八坂神社或者祇園，夜晚就去高台寺賞夜楓。
高台寺係豐城秀吉過生後，佢夫人寧寧為咗祈禱冥福所建立嘅。寺院入面個日式庭園本來就好清雅，而令好多觀光客著迷嘅係臥龍池嘅夜楓美景，夜晚寧靜嘅湖面上，反射出打燈後嘅楓紅，相映對照出一種令人屏息嘅美。呢個畫面一定可以喺你人生旅程上面，佔上一頁版面。
秋蟹喺邊度可以食到？北海道函館你又覺得點呢？
搭 JAL Japan Explorer Pass (JEP), 針對外國人旅客先有嘅國內機票優惠，由大阪飛北海道函館單程都只係10,800日圓。等你喺函館享用到最新鮮美味嘅秋蟹，滿足你為食嘅頂級欲望。
嚟到北海道就唔可以唔提螃蟹三霸王：帝王蟹、松葉蟹同毛蟹。呢三種蟹都是生長喺寒冷嘅海域，而北海道嘅寒冷，造就咗呢個美味。想要食新鮮嘅蟹，咁函館嘅朝市就非去不可喇。
即場揀你睇中咗嘅蟹，再即刻叫店家煮，無論係清蒸定係現烤都任君選擇。如果係想喺餐廳食個螃蟹大餐，好多餐廳都有提供螃蟹放題(任食)，或者係螃蟹火鍋等料理。紅卜卜嘅螃蟹，俾到你視覺同味覺都可以一次過咁滿足晒。函館嘅酒店早餐，都成日有令你意想不到嘅驚喜。早餐自助餐之中，有新鮮嘅魚生丼飯都係座上客，鍾情海鮮嘅你，函館係你嘅最佳選擇。當然食完好嘢之後，函館山嘅夜景都係一定要去㗎啦。
最地道嘅日本之旅
秋季嘅日本之旅，要賞楓就到絕景滿滿嘅京都、要秋蟹就飛去產地函館開大餐。呢個咁極致嘅享受，你需要一個達成夢想嘅小幫手，佢就係 JAL Japan Explorer Pass(JEP) 喇。由大阪飛到函館單程都只係1個鐘頭50分鐘，俾你食到美食又可以去埋函館觀光。一次嘅日本旅行，雙倍嘅享受, 正。
而家就即刻去Check吓JEP嘅機票資料啦👇👇👇
這次周遊的路線圖提供給您參考唷。
Comments