100円店「Daiso大創百貨」聚集咗好多100円店嘅商品，從生活雜貨、化妝品、到零食點心、食品等應有盡有，無論係日本人或者係訪日外國觀光客嘅心中都係非常受歡迎嘅商店。喺東京、大阪等日本全國各地，大約有3150間店鋪，喺海外嘅26個國家地區都有展店（兩者均係2017年10月為止嘅資料）。喺眾多商品項目當中，文具用品特別豐富齊全。當中，筆記簿嘅品質更加係令人難以置信，100日圓就可以買到，各種尺寸、材質、設計多元多樣。喺眾多款式入面，以下就要為大家介紹呢幾款推薦嘅筆記簿！
Hello Kitty加上小熊維尼！內頁係空白無格線，隨心使用！「自由書寫」
人氣角色「Hello Kitty」同「小熊維尼」嘅筆記簿。入面內頁係完全空白嘅白紙，唔受格線拘束，可以自由咁書寫，記低突發奇想嘅創意、手繪旅遊景點、寫吓每日心情嘅日記，隨心隨意。Hello Kitty版係粉紫紅色，小熊維尼係以紫色橙色為底色，背面都有插畫，寫上「日本製」，最適合當手信送人。而筆記本嘅邊邊仲用咗閃令令嘅材質都係一大重點！
顏色有紅色、黑色、啡色！配搭高級感十足嘅書套！手掌大細嘅筆記簿
呢款筆記簿配搭咗相當有質感嘅書套。繪有格線嘅內頁，好適合用於商務場合。輕巧嘅尺寸放一本喺袋入面，隨時都可以使用。凈係得手掌咁大，企喺度記筆記都非常推薦。顏色有紅色、黑色、啡色。亦可以拿嚟當做日記簿！一本共有60頁
紅鶴和海獺圖案！超划算共有100頁嘅「MEMO PAD」
呢款MEMO PAD嘅造型有紅鶴和海獺，共有100頁，非常划算。MEMO PAD內頁亦有繪製同樣嘅圖案，形狀都好可愛。而底色，紅鶴款係淺粉紅色，海獺係淺藍色，柔和嘅顏色都係一大重點！拿嚟當作送禮嘅小紙條，留吓言，發揮創意從而誕生多樣嘅使用方法
日本童話「浦島太郎」和梅花圖案！「豆筆籤」
贈送小禮物嗰陣用嚟留個隻字片語，非常方便嘅「一筆籤」。一款係將日本人都熟悉嘅童話故事「浦島太郎」，繪製成插圖。另一款係繪製咗梅花。無論邊一款嘅花紋都充滿咗日本風味，推薦買嚟當伴手禮。頁數共有50頁。
Comments