雄偉壯麗之景京都比叡山延暦寺

比叡山位於京都府及滋賀縣交界，美麗山脈提供多條行山徑，秋天景色都十分恬靜宜人，而且亦係著名延暦寺嘅所在地。從京都市中心出發只需約一個鐘就到，想離開繁囂都市、投入日本大自然之美嘅話，比叡山就係一個唔錯嘅選擇！

著名的延暦寺

延暦寺係天台宗嘅寺廟，歷史從平安時代開始。延暦寺被認為係由佛教天台宗嘅創立人——佛教僧侶最澄大師於788年創立。延暦寺作為天台宗嘅總本山，喺日本歷史中被視為最重要嘅寺廟之一。延暦寺更於1994年以「古都京都文化財」之一被列為世界文化遺產。

雖然延暦寺由山上數以百計嘅子寺廟及大量廟宇所組成，但現時被劃分為三個地區：東塔、西塔及橫川。地區之間相隔距離並唔遠，每個地區都有幾個被日本列為國寶嘅重要建築物，有時間可以慢遊三個區域。而去拜訪延暦寺嘅最佳時期為秋季，呢個時候山頭間遍野楓葉美景，非常吸引！

比叡山坐落於京都府右面及滋賀縣左面交界處，日本神道認為比叡山內有神明及魔鬼存在，係一個具有重要文化意義嘅聖山。

不過比叡山比較因延暦寺及其佛教僧侶而廣為人知。尤其是僧人以日行80公里，為期100日嘅修行而聞名。而比叡山亦好受歡行山者歡迎，山上有多條行山徑可以通往山頂或連接其他山。登上此山脈所欣賞得到嘅景色，可以講係呢個地區最壯麗嘅風景之一。

從京都車站去比叡山可以利用電車，巴士或汽車到，普遍大約需時2個鐘。所以計劃行程方面就是要注意，請預留來回有充足時間搭車。

最方便嘅方法係從京都站乘搭「延暦寺Drive bus（ドライブバス）」直通巴士，到「延暦寺Bus Center」巴士站落車，車程約65至70分鐘。

如果唔只延暦寺，係想行比叡山的話，就可以搭纜車到達。首先從京都站搭電車到「出町柳站」，再轉車搭「叡山電鐵本線」，到「八瀬比叡山口站」落車後行到「Cable八瀬站（ケーブル八瀬駅）」搭纜車。到「Cable比叡站（ケーブル比叡駅）」開展比叡山行山之旅又得，或再搭上「比叡山頂」遊覽「花園美術館」都得。