京都之中被隱藏嘅瑰寶三千院門跡

位於從京都出發需要一個鐘先到嘅三千院，係京都大原一帶嘅主要景點。三千院作為念佛聖淨土信仰之聖地沿續至今。三千院係天台宗五個室門跡之一。三千院內面積廣闊，大自然景色豐富，好值得大家前來造訪！

有關三千院門跡

三千院坐落於大原山村，其建成可追溯到平安時代，被傳教大師最澄上人作為隱居之地而建立，而最澄係一位喺804年創立「天台佛教學校」嘅僧侶。

作為五大「天台門跡寺院」之一，喺三千院嘅寺廟住持歷史上，好多住持曾經都係皇室成員。

三千院原本被稱為梶井門跡或梨本門跡。直至1871年，法親王還俗時，因梶井佛殿內持佛堂所懸掛靈元天皇親筆匾額，從此被正式稱為三千院。

三千院佔地非常廣闊，而且可以花一整天時間去遊覽寺院或發掘更多！

進入三千院，遊客首先會經過「御殿門」，左面有擺放資料小冊子。之後跟住建議路線行，會先到「客殿」同「宸殿（主殿）」，再行就到「往生極樂院」。

往生極樂院係由天台淨土教嘅一代宗師——惠心僧都源信，為父母祈禱冥福而同姐姐安養尼共同建造出嚟。寺院建築嘅形狀非常特別，為咗容納比佛堂更大嘅日本國寶「阿彌陀三尊像」，屋頂被設計成船底型向上凹入。

欣賞完往生極樂院嘅特別建築設計後，遊客可以去欣賞日式庭園「聚碧園」，之後再同向「觀音堂」同「小觀音像」方向出發。喺觀音堂內，供奉著一個三米高嘅立像觀音，而觀音堂周圍亦有供奉小尊觀音像。

當你遊覽完三千院所有寺院，你可以繼續行到「慈眼之座」同「紫陽花苑」，欣賞晚春時繡球花盛開嘅美景，又紫又藍嘅花景非常迷人。欣賞完花景後，你可以經「朱雀門」行返去入口，完美結束遊覽三千院嘅旅程。

小編建議春季或秋季前往三千院，因為呢啲時期係一年四季當中，最能欣賞花卉或紅葉襯托下嘅最美一刻。

三千院全年對外開放，開放時間因季節而有所不同，3月1日至12月7日08:30開放至17:00；12月8日至2月底由09:00開放至16:30。最後入場時間為關門30分鐘前。

入場費用為大人700円、中學生400円、小學生150円。如果係超過30個或以上嘅團體客人，每個人有100円減價優惠。

三千院咁遠，要搭去似乎好難。但其實唔使擔心，因為可以直接由京都車站抬巴士去三千院，而且車站都唔難搵。從京都站中央出口行到巴士站C3乘車處，搭京都巴士17系統，1個鐘後到大原巴士站（大原バス停）落車，行10分鐘就到三千院。

景點資訊