美麗的青苔庭園ーー京都苔寺（西芳寺）

位於京都西部嘅「苔寺」（西芳寺）係一座氣氛幽靜嘅寺廟。苔寺顧名思義就係充滿青苔嘅寺廟，其庭園被120種唔同嘅苔類所覆蓋。苔寺佔地廣達35,000平方米，更以「古都京都的文化財」被列為世界遺產。

苔寺嘅特色

雖然苔寺以大量美麗苔蘚花園而廣為人知，但當中值得遊覽嘅有以中文字「心」形狀呈現嘅「黄金池」、被列為國寶嘅茶屋「湘南亭」、於1339年由夢窗疏石建立而成為日本最歷史悠久嘅「枯山水」（乾枯山水庭園），仲有於1969年重建而成嘅「本堂」。

本堂係寺院內最重要嘅部份，因為所有遊客進入苔寺就必須到本堂進行參拜，包括抄經、誦經及進行禪修。完成參拜後，就有60至90分鐘時間參觀寺內庭園。有人或者覺得進入寺廟就必須要參拜係好嚴格，但亦正因為呢個規定，才能夠好好保留苔寺嘅寧靜同美麗環境。

正式名稱為西芳寺嘅苔寺因庭園多青苔而得名，而青苔景色都非常壯觀，而且一年四季都欣賞得到。雖然直至1926年先對外開放，但好快就成為一個廣受大眾及遊客歡迎嘅寺院。

苔寺原本作為聖德太子嘅別墅而建，於1339年由受人敬重嘅佛教僧人夢窗疏石（亦稱夢窗國師）重新裝修及復興成為一間禪寺。

雖然苔寺於京都受到重創嘅應仁之亂中亦遭受摧毀，重建後於江戶時代又受難於洪水災難。但傳聞因為呢啲洪水，令呢間寺廟出現青苔，因此而得其別名。

進入苔寺必須事先進行預約。苔寺於7月至9月10:00開放，其他時期於13:00開放。

訪客需要事先提出申請。不同於其他喺京都嘅寺廟，預約參拜時間同申請批准嘅時間都比較長，所以去參觀前記得要做好準備。首先，最好預至少2個月前就要開始進行預約手續。而預約需要將以下3項文件郵寄到寺院。

週末、日本公眾假期、6月左右及秋季比較多人參拜，所以如果想喺上述日子前往，最好盡早預約同喺信上提供幾個後選日子會比較好。

當你嘅預約被確認後，入場費用為每人3,000円，只能以現金付款，仲要注意需要於預約時間前15分鐘到達。

苔寺之所以有咁嚴格嘅規定，係因為希望可以減少遊客所造成嘅污染同想保持寺院寧靜，令參拜嘅訪客唔會受到打擾。呢個規定係自1977年開始實施，目的係抑制旅遊業急速發展所帶來嘅垃圾、噪音同交通意外等。