京都建仁寺內禪園之美

建仁寺位於京都著名祇園區嘅南面，係京都最古老禪寺之一。建仁寺於1202年由日本臨濟宗創始人榮西禪師建立，每年吸引眾多遊客到訪。

有關建仁寺

建仁寺係其中一間禪宗寺院，亦係臨濟宗建仁寺派嘅大本山。有好多著名住持都來自建仁寺，而且寺內擁有多個日本國寶及重要文化財產。

雖然建仁寺佔地比其他主要寺院少，但內有非常獨特嘅珍寶及日式庭園，當中有俵屋宗達嘅著名作品——《風神雷神圖》屏風。《風神雷神圖》係於帶有金色背景嘅摺疊屏風上描繪神道風神及雷神嘅畫作，作者精緻地繪畫出神明常見嘅神態。

而另一個可以喺建仁寺搵到嘅畫作就係《雙龍圖》。呢幅畫於2002年為紀念建仁寺建立800週年而製。面積為15.8米x11.4米嘅作品實際上係喺北海道一間小學嘅體育館內製作，藝術家花了接近2年時間製作，完成後先移到建仁寺。

另外，建仁寺內有兩個庭園，「潮音庭」及「○△□乃庭」（被稱作圓形、三角形、方形庭園）。潮音庭內有一尊「三尊石」，三個石頭代表著佛祖及兩個僧侶，坐上座禅石進行暝想。而「○△□乃庭」則隱喻宇宙萬物皆由呢三種基本形態所創造出嚟，係由書法畫家仙崖義梵所創作嘅著名作品。

擁有800百年歷史嘅建仁寺，係京都最古老嘅禪寺。過去寺院曾受火災摧毀，經過円爾禪師同東福寺嘅幫助下得以復興起來。所以，建仁寺內好多倖存嘅建築物都只能追溯回1500至1700年。

榮西禪師係首位將茶葉引入日本嘅人，無疑令建仁寺成為一個品茶嘅特別地方。東陽坊茶屋位於寺廟群當中，並於1587年作為豐臣秀吉所舉辦茶會嘅地方而聞名。

建仁寺規模雖小，但係一個重要嘅歷史建築物，而且每個月5號都會特別舉辦茶會，有機會就唔好錯過啦。

進入建仁寺嘅參拜時間為10:00至17:00。入場費方面，大人500円、中學生300円、小學生200円。去建仁寺嘅方法都好簡單，只需要喺祇園四條站行5分鐘就到。