※更新※ 而家大阪、北海道JEP價格只需5,400円就買得到啦。活動期間：2018/10/1～12/15
您知唔知咩係 JAL Japan Explorer Pass（JEP）呢？呢個係針對外國旅客訪日旅遊嗰陣，先至可以購買嘅日本國內優惠票價，唔單止可以令您嘅日本旅遊行程變得多元化同豐富，只要巧妙咁運用，一次國內旅遊嘅來回票價，您就可以從關西大阪一路玩到東北、甚至去埋北海道㖭！快D跟住小編一齊嚟睇吓啦！
新鮮感唔減反增嘅大阪
如果您已經唔係第一次到訪大阪，相信環球影城、心齋橋或者係道頓堀等呢D必訪景點已經無法滿足您探索開發嘅慾望，不如前往大阪北部嘅「箕面公園」一睹日本瀑布百選之一嘅「箕面瀑布」覺得點呢？喺大阪市內出發大約30分鐘左右嘅交通時間就可以抵達「阪急箕面站」，除咗瀑布呢個主要景點之外，呢度仲係大阪賞楓嘅熱門勝地嚟！從阪急箕面站入口進去，沿住步道散步大約40分鐘就會睇到著名嘅「箕面瀑布」，無論係夏季嘅綠意盎然，亦或係丹楓迎秋都係美不勝收嘅醉人風景。安排返一日到呢度散步用餐，臨走之前仲可以喺箕面車站浸足湯，度過愜意嘅一日，您又點睇呢？返到市區之後再到「梅田藍天大樓」嘅「空中庭園展望台」欣賞繁華大阪嘅絕美夜景，展望台連結兩棟大樓部分，唔單止可以360度觀賞，燈光下所營造出嚟嘅浪漫氣氛，更加係有種令人墮入愛河嘅喜悅啊！
青森唔只得蘋果！日本最大規模嘅航空科學館就喺三澤市！
位於青森縣東南方嘅三澤市，東面太平洋、西臨小川原湖，總面積大約係120平方公里，其中嘅佛沼（仏沼）擁有豐富嘅自然資源仲被登錄喺拉姆薩濕地條約入面！喺大阪出發使用 JAL Japan Explorer Pass（JEP）嘅優惠票價，凈係需要一個半鐘5400日圓嘅價格，就可以帶您瞬間從關西抵達日本東北。
嚟到三澤市您可能會覺得詫異嘅係，喺呢度遇到美國人嘅機率異常高，原因係駐日美軍嘅主要基地就係三澤空軍基地，航空迷唔洗等到基地開放日就可以同戰鬥機近距離接觸，日本最大規模嘅航空科學館就喺三澤市，館內除咗航空歷史、飛行原理等展示之外，最有睇頭嘅當然係展示喺廣場上面嘅各種戰鬥機，包括有F－16A型戰機、提供乘搭體驗嘅F-104J等，航空迷們唔洗特權都可以同戰機合影留念㗎！
三澤市嘅度假生活
嚟到三澤如果無浸到古牧溫泉咁就太可惜啦，特別係青森屋嘅露天溫泉「浮湯」，由室內往外延伸嘅空間感，好似漂浮喺湖泊上面，所以命名為「浮湯」，青森屋係日本星野集團旗下嘅溫泉酒店，規格唔洗講，後院嘅公園佔地廣闊，喺呢度散步之後，仲可以浸足湯消除疲勞，每日喺館內仲有各式各樣嘅日本傳統表演可以欣賞，三澤所飼養嘅馬匹喺日本頗有盛名，您亦可以揀選乘坐馬車觀光，呢度無疑係度假休閒嘅好地方！
日本東北到札幌凈係需要5,400日圓！
一樣使用JEP嘅優惠票價，1個鐘嘅飛行時間就可以從日本東北抵達北海道札幌啦，一次嘅日本行，令您一次過征服關西、東北同北海道，無須提高您太多嘅交通費，仲可以慳返唔少交通時間！嚟到札幌，一定要去「羊之丘展望台」睇睇，唔單止可以將成個札幌街景盡收眼底，仲可以睇到成群嘅羊仔自由自在咁喺草原上面食草，唔好唔記得同札幌農學院嘅首任校長雕像影返張相留念啊！
札幌農學院就係現今嘅北海道大學，而北海道大學嘅校園一年四季都靚到飛起！四季嘅顏色盡現眼前，特別係秋天嘅楓紅同黃澄澄嘅銀杏，一定係您取景嘅好地方，嚟到呢度可以去食堂食返個午餐，因為係校內餐廳，價格划算又好正！當然，大家前往參觀嗰陣，唔好打擾到上緊堂嘅學生啦！
北海道嘅夜景除咗函館山之外，藻岩山都唔好錯過
提到北海道夜景，大家第一個諗到嘅肯定係函館山啦？但係札幌嘅藻岩山可以話係一D都唔遜色！呢度唔單止被揀選為「戀人聖地」之一，展望台仲設有「幸福之鐘」同「愛情之鎖」，令情侶完全沉醉喺呢片浪漫氛圍當中。呢度唔單止吸引咗好多外國遊客前往，更加係當地日本人嘅約會勝地！就算係無伴侶嘅朋友仔，彷佛都可以感受到同札幌嘅夜晚談戀愛㖭啦！
喺札幌再利用JEP優惠票價飛回大阪唔洗兩個鐘，成個日本國內三個城市旅行來回票價凈係需要大概2萬日圓，係唔係超級抵呢！
如果您都想賺到嘅話，請睇👇👇👇
今次周遊嘅路線俾大家參考吓啦！
Comments