如果有人問您1+1=？，我諗您會毫不猶豫咁回答「2｣喇掛！數學方面嚟講的確係咁，但係如果當1+1有大過2嘅價值嗰陣，您又想唔想更進一步了解一吓呢？以往嘅訪日旅行方式，通常都係局限喺單一城市嘅定點旅行，就算想喺旅途增加一至二個城市，考慮到交通時間、路線同預算，都唔一定可以一次過達成去曬咁多想去嘅地方。
但係而家就唔同啦，只要利用 JAL Japan Explorer Pass（JEP）嘅外國旅客購買日本國內機票嘅優惠方案，用少少嘅錢同短暫嘅時間，您就可以一次過將想去嘅城市全部征服，今日小編就要介紹2018年日本旅遊城市新組合，方便又充滿日本文化嘅名古屋，配搭上遊日大熱門嘅沖繩，又會擦出點樣嘅火花呢？！
飛行航班新熱點：名古屋
對於遊日嘅初心者嚟講，東京或者大阪會係首選嘅旅行城市，但係嚟日本旅遊係一件危險嘅事，因為您一唔小心就會上癮，凈係得東京或者係大阪已經漸漸咁無法滿足您嘅慾望，開始往其他城市開拓旅行疆土。而航空公司當然都注意到旅客嘅需求，直飛日本其他城市嘅航班都日益漸增！名古屋嘅直航近年增加咗好多，唔單止國際線航班方便，就連喺名古屋市內旅行嘅交通，都令旅客放心咗好多，利用地鐵同巴士加上無敵嘅雙腳，喺名古屋市內旅行就可以如魚得水！
名古屋嘅文化之旅：熱田神宮與名古屋城
乘搭名鐵名古屋本線到「神宮前站」落車，徒步大約3分鐘就可以抵達熱田神宮，除咗三重縣嘅伊勢神宮之外，熱田神宮對於日本人嚟講，都係非常重要嘅神宮。其中，三種神器之一代表武力「草薙神劍」就係被祭拜喺呢個神宮入面，除咗嚟熱田神宮參拜之外，神宮入面嘅寶物館您都絕對唔可以錯過，館內嘅收藏品總共大約有6,000件，每個月都會替換展示。館內嘅收藏品來自皇室、將軍、藩主等歷代各界嘅捐贈文物，其中多達177件被列為日本重要嘅文化財產。對於日本嘅歷史文化嚟講，係極為珍貴嘅寶藏！
嚟熱田神宮參訪嗰陣，同時可以安排喺知名嘅「蓬萊軒」享用美味嘅名古屋鰻魚飯，您可以先前往蓬萊軒登記等位之後，再前往熱田神宮參觀，咁樣時間上嘅安排就可能啱啱好呢！
被譽為日本三大城之一嘅名古屋城，係由江戶幕府嘅德川家康所下令建造嘅城堡，城堡大樑上面懸掛嘅金鯱更加係重要嘅象徵，名古屋城喺第二次世界大戰嗰陣遭受空襲，好多建築物都被燒毀，日本政府都陸續將被燒毀嘅部分整修，而重建嘅本丸御殿喺2013年開放入口玄關部分同大廳表書院。整體重建已經完成，並喺2018年6月開放參觀，本丸御殿雖然因為戰爭而毀壞，但好彩嘅係殿內嘅隔扇畫同頂棚畫已經事先拎落嚟，以保存至今。而其中嘅1047面畫亦被指定為國家重要文化財。雖然城內嘅天守閣喺2018年開始進行整修，但係其他地方都好值得一遊㗎！
渡假風情滿分嘅沖繩
沖繩獨有嘅海島風情同文化魅力，一向係日本熱門嘅旅遊城市之一，而且人氣始終居高不下。除咗廣為人知、必訪嘅觀光勝地之外，仲有好多內行人先知道嘅私密景點等待您嚟發掘！但係喺名古屋要點先可以瞬間前往沖繩呢？答案就係利用優惠又快速嘅 JAL Japan Explorer Pass（JEP）嘅日本國內機票啦！凈係俾10,800日圓就可以飛抵南國風情嘅沖繩，只要攜帶留宿幾日所需要嘅物品，其他嘅大型行李都可以放置喺名古屋嘅置物櫃入面，令您嘅旅行更加輕鬆！
如果追求嘅係悠閒渡假般嘅享受，咁凈係距離那霸機場15分鐘左右嘅「瀨長島」就係您最佳選擇，唔單止方便前往，2015年新開幕嘅「Umikaji Terrace」更加係幫瀨長島加咗唔少分，您唔單止可以喺琉球溫泉酒店入面眺望蔚藍大海，浸喺天然露天溫泉，更加可以喺Umikaji Terrace入面享用美味嘅「幸福鬆餅」，睇住飛機起降。或者係鐘意吊床式座位嘅您，其他嘅餐廳都可以俾您躺喺吊床上吹住徐徐海風，沈醉喺呢個悠閒嘅海景入面！喺島上面渡過嘅一分一秒，都可以療癒您身心嘅一分一寸！
當地人嘅秘境：神秘嘅Gangala之谷
位於沖繩本島南部嘅Gangala之谷，係近年先挖掘開發出嚟嘅山谷，幾十萬年之前由鐘乳石洞崩解形成，仲推測出呢度曾經有舊石器時代港川人居住過嘅遺跡，而家仲持續挖掘中。入口處係亞熱帶森林嘅大自然，樹根由上方往落垂嘅細葉榕王，所散發出驚人嘅氣場，肯定係一生難忘嘅場景，想要一睹Gangala之谷嘅風采，一定要預約報團先得，除咗親自體驗呢個大自然神奇嘅作品之外，您仲可以喺鐘乳石洞入面用餐同飲返一杯靚咖啡！咁難得又神奇嘅經驗，係近幾年非常熱門嘅行程！要特別留意穿著合適嘅服裝啊！
預定JEP日本國內機票，創造出一加一大於二嘅價值，係旅客可以自行提高旅行CP值嘅好方法，更多更驚奇嘅日本旅遊行程，等住您去探索啦！
1+1＞2請Click
👇👇👇
今次嘅周遊路線俾大家參考一吓！
Comments