位於京都嘅禪林寺（永觀堂）散發出扣人心弦嘅古典優雅魅力，係當地一大著名紅葉勝地，自古更有「紅葉的永觀堂」美譽，話係「京都最靚秋夜景色之一」當之無愧！想趁京都旅行療癒心靈？一於去禪林寺（永觀堂）感受扣人心弦嘅如畫仙境啦！
關於禪林寺(永觀堂)
禪林寺俗稱永觀堂，於仁壽3年（853）由真紹僧都創建，並於貞觀5年（863）獲清和天皇賜予禪林寺稱號。禪林寺原本係一間真言宗寺院，其後於有「興中之祖」之稱嘅第7代住持永觀（1033年～1111年）時開始逐漸轉變為淨土宗宗派。寺院本為日本平安時代文人藤原關雄名下嘅別墅，清和天皇賜此處為禪林寺，其後經永觀律師主持後又改稱為永觀堂。寬闊嘅寺院庭園內釋迦堂、開山堂、禦影堂等建築物並排相連，構成連環美景。
禪林寺（永觀堂）曾於應仁之亂（1472年左右）之中被摧毀，直至16世紀初先被完全重建。
保存著禪林寺正尊阿彌陀佛像嘅阿彌陀佛堂，其建築設計如同五重塔多寶塔，坐擁「松鳥圖」、「群仙圖」等重要歷史建築。直至現時，禪林寺（永觀堂）仍然保存著多個日本國寶與重要文化財產，當中包括非常珍貴嘅「回望阿彌陀佛如來立像」。
禪林寺流傳著唔少有關永觀嘅小故事。聽聞永觀曾一邊唸佛、一邊喺阿彌陀佛如附近徘徊時，阿彌陀佛如來突然動身與永觀一齊開始行走。永觀大嚇一跳，停下腳步後阿彌陀佛如來就回頭同佢講「永觀行得太慢了」，從此阿彌陀佛如來嘅頭部，就以回頭望嘅姿勢被安置於正殿，因此正尊就被稱為「回望阿彌陀佛如來立像」。
禪林寺(永觀堂)璀璨夜景
永觀堂擁有「紅葉的永觀堂」美譽，寺內紅葉處處、楓葉美景非常著名。每年11月中旬至下旬期間，永觀堂堂內都會被紅葉美景包圍。
秋季特別開放期間嘅夜晚仲會舉辦點燈活動，紅葉片片配上美如仙境般嘅夜景，氣氛好不浪漫。
禪林寺(永觀堂)秋季醉人美景
寺院大小角落種滿約3,000棵楓葉樹，難怪禪林寺自古就作為京都首屈一指嘅紅葉名勝而聞名！
永觀堂紅葉美景於夜間點燈活動燈光下，更會呈現出紅色、黃色與橙色等漸變色彩。寺廟場地雖然唔可以影相及錄影，但花園範圍就可以畀各位影個夠。當紅葉加上夜燈點綴，仲唔快啲拎起相機打卡留低最美麗回憶？
貴為當地人與遊客最受歡迎嘅夜間觀光景點之一，建議夜少少去，就可以避開擠擁人群高峰期喇～
景點資訊
景點名稱：禪林寺(永觀堂)
- 地址：京都府京都市左京區永觀堂町48
- 交通：由地鐵東西線「蹴上」站1號出口徒歩約15分鍾即可抵達
- 時間：9:00〜17:00（最後入場時間為16:00），秋季燈飾期間會稍作調整
- 休息日：年中無休
- 門票：600日圓（寺寶展：1000日圓，秋季夜間點燈活動：600日圓）
※開放時間及費用可能會有所變化，發前記得記緊再次確認最新開放時間及日期。
Comments