京都北野天滿宮日本熱門賞梅景點

北野天滿宮位於京都西北面，係日本觀賞梅花嘅最佳景點之一，亦係一個學生造訪嘅熱門景點。北野天滿宮每個月25日都會舉辦市集，甚至夜晚仲會點亮燈籠，可以欣賞夢幻夜景。

有關北野天滿宮

北野天滿宮係第一個供奉真人為神明嘅神社，於974年為咗祭祀日本平安時代嘅學者及政治家——菅原道真而建造。即使日本各地有成千上萬個供奉菅原道真嘅神社，但北野天滿宮神社係呢啲神社嘅發源地同總本社。而菅原道真被譽為「學問之神」，所以亦有好多學生會前往參拜神社，祈求考試順利、學業成功。

喺神社內，你可以見到一種被稱為「八棟造」嘅獨特嘅建築設計，即係正殿、拜殿、同走廊「石之間」嘅屋頂互相連接成一個大屋頂。豐臣秀賴於1607年興建神殿，隨之被列為日本國寶。同一時期製作出嚟嘅樓門同三光門擁有精致雕刻及鮮艷色彩。

當中最推薦嘅莫過於日式庭園，包括可以欣賞梅花嘅梅苑，仲有紅葉苑可以喺秋天欣賞紅葉或夜楓添。

另外，呢度仲有北野天滿宮寶物殿，每月僅於25日開放，有好多寶物收藏於此，其中最出名就係《北野天神緣起繪卷》。

每月25日從06:00至09:00，北野天滿宮範圍內都會舉辦一個名為「天神廟會」嘅市集，呢個係一個跳蚤市場，販賣食品、雜貨、舊衣服同舊工具等。呢個活動好受居民歡迎。如果呢個時候去到，可以體驗一下當地美食，又可以行吓街買吓嘢，仲可以去參觀寶物殿呢。

日落後絕對會係其中一個好時機去參拜北野天滿宮。呢個時候，數以千個石頭同吊燈籠會懸掛至21:00，營造出好似童話般嘅氣氛。

由於菅原道真最喜愛嘅花係梅花，所以都唔怪得之北野天滿宮內種有咁多又紅又白嘅梅樹，呢個亦係日本其中一個最受歡迎嘅觀賞梅花地方之一。喺梅花盛開嘅早春期間，梅苑會對外開放。而喺2月25日舉行嘅梅花節，亦會有一個特別嘅茶會，提供抹茶與甜點，又可以欣賞到藝舞妓表演。

北野天滿宮嘅入場費為免費，所以如果想節省旅行費用，呢度係一個好推薦嘅景點，嚟幾多次都得。開放時間根據季節而有所不同，4月至9月的話由05:00開到18:00；而10月至3月由05:30開放至17:30。

而2月25日舉行嘅梅花節則會由06:00開始，至21:00結束。而紅葉苑喺夜楓期間會從09:00開放至20:00。

至於北野天滿宮寶物殿會喺每個月25日（及1月1日、12月1日），從10:00開放至16:00。入場費為大人500円、中學生300円、小學生 250円。

景點資訊