醍醐寺位於京都東南面嘅一座山上，係一座美麗嘅寺廟建築群，你可以花半日喺度慢慢探索。 醍醐寺擁有多個風景如畫嘅日式庭園、歷史悠久嘅寺院建築、博物館，喺春天又可以欣賞到美麗櫻花，係一個首次到京都旅遊必去嘅景點。
有關醍醐寺
醍醐寺作為「古都京都的文化財」之一被列為世界遺產，係一個大型寺廟建築群，分為三個區域，擁有多間寺院建築、一個五重塔、日式庭園、甚至設有行山徑以滿足大自然愛好者！
醍醐寺內有咩好睇好玩呢？
寺內劃分為三個區域，因有多個景點，遊客可以喺度花半日時間慢慢遊覽。你可以從最低處嘅三寶院出發探索眾多間廟宇及日式庭園。
醍醐寺嘅歷史
醍醐寺嘅歷史可以追溯到874年，當時佛教和尚——聖寶理源大師喺醍醐山上建造一座小廟以供奉准胝同如意輪兩尊觀音像。之後因醍醐天皇等人嘅信仰而興建其他寺院建築，因而逐漸形成寺廟建築群。
藥師堂於907年依照醍醐天皇嘅意願而被建成，及後興建五大堂，更於926年建立釋迦堂及951年完成五重塔嘅落成。
作為真言宗小野流派嘅中心寺院，醍醐寺一直受到當地百姓及皇室貴族嘅信眾尊崇。但好景不常，因遭受過幾次火災摧殘，下醍醐嘅廟宇幾乎全部化為灰燼，只有五重塔無被燒毀，至今仍然保留當時嘅模樣。
於1598年，豐臣秀吉於三寶院種植咗700棵唔同品種嘅櫻花樹，為家人及賓客舉行盛大宴會。而呢個活動仍流傳至今，每年4月第2個星期日舉行，名為「豐太閣賞花行列」。
參拜時間及入場費用
醍醐寺
開放時間及入場費用因不同區域而有不同。下醍醐範圍包括伽藍、三寶院、靈寶館等，而上醍醐範圍則包括行山徑等等。
下醍醐
下醍醐範圍嘅參拜時間如下：
- 由3月1日至12月第1個星期日：09:00～17:00
- 由12月第1個星期日翌日至2月最後第一日：09:00～16:30
- 入場門票販售截至關門1小時前
- 最後入場截至關門30分鐘前
入場費用方面，根據季節性而有所不同，詳情如下：
- 夏季至冬季：大人800円、中學生600円、小學生免費
- 春季（3月20日至5月15日）至秋季（10月15日至12月10日）：大人1,500円、中學生1,000円、小學生免費
上醍醐
下醍醐範圍嘅參拜時間如下：
- 由3月1日至12月第1個星期日：09:00～16:00
- 由12月第1個星期日翌日至2月最後一日：09:00～15:00
- 入場門票可於女人堂或上醍醐門票售票處購買
- 所有遊客必須遵守山上規則，需於5點前下山
- 行山路徑可能會因天氣而關閉，如有興趣前往請事先確認清楚
入場費用詳情如下：
- 大人600円、中學生400円、小學生免費
醍醐寺櫻花祭
造訪醍醐寺嘅最佳時期莫過於每年4月第2個星期日，即舉辦「豐太閣賞花行列」之日。呢個時候你可以欣賞到多種櫻花，而唔同品種嘅櫻花會先後盛開，所以櫻花期比平時長，會長達超過一週。
景點資訊
- 名稱：醍醐寺
- 地址：〒601-1325京都市伏見區醍醐東大路町22
- 交通方法：從京都市營地下鐵東西線 醍醐站步行13分鐘
Comments