本篇文章內容由Relux Magazine提供。
今次，Relux編輯部將會介紹一D到訪山梨縣就一定想入住睇睇，令人超級心滿意足嘅奢華酒店旅館。
以富士山為首，河口湖、甲府盆地，再到八岳等俾好多自然環境所包圍嘅山梨縣。而山梨縣亦都遍布咗可以一邊欣賞呢片大自然，仲可以一邊悠閒享受渡假時光嘅極致豪華高級住宿。而且因為係靠山嘅縣市，呢度都可以享受溫泉。今次Relux編輯部就嚟介紹一D山梨縣嘅豪華級住宿俾大家啦。
笛吹川溫泉 坐忘
一提到山梨縣嘅高級旅館，講得出呢間「坐忘」嘅人應該好多喇掛。地點係喺笛吹川溫泉。唔單止凈係得溫泉，呢個景點仲有好多活動可以參與，好似係參觀葡萄酒釀造工廠，或者係參觀以「桔梗信玄餅」而聞名嘅桔梗屋工廠等等各式各樣嘅活動。而且，占地大約3,000坪嘅「坐忘」凈係得19間客房，係一間建造設計非常奢侈嘅旅館。
「坐忘」可以喺心無雜念、明鏡止水嘅境界入面，凝視自己平靜嘅心。而喺奢華配置嘅客房入面，名符其實可以寧靜咁面對四季同自己。再加上呢度嘅溫泉，無論係露天或者係室內都係源泉掛流。喺呢度可以一邊享受山岳嘅恩惠同招待，一邊度過正視自身嘅假期，可以話係非常值得珍藏嘅旅館嚟。
富士山溫泉 別墅然然
唔好話山梨嘅象徵係富士山，富士山甚至係日本呢個國家本身象徵性嘅存在。富士山所描繪出嚟嘅柔和山脊，佢個姿態無論係幾時欣賞都唔會膩，獨樹一格嘅美麗。一間可以令您喺享受客房專屬溫泉同時眺望咁靚嘅富士山景色嘅旅館，可以咁奢侈享受嘅旅館就係「別墅然然」。係喺酒店鐘山苑入面，另一間嶄新誕生嘅旅館。
酒店引以為傲嘅庭園占地2萬5千坪。庭園入面嘅甘酒處會招待客人享用甜酒。浸完浴之後，可以嚟沉澱身心，喺呢度散吓步都得。而且，從本館到走廊，所相通嘅「清流庵」，可以享用抹茶同每個禮拜都唔同嘅日式點心，專屬嘅Lounge貴賓室仲可以品嚐到自世界各地60個國家喺當年度新採收嘅豆所沖泡嘅咖啡㖭。
主廚係眼前為您料理嘅開放式廚房餐廳、個室包廂嘅料亭，或者喺留喺房入面享用，各式各樣嘅擇都係魅力之一。喺咁奢華嘅空間，享受奢侈嘅盛情款待…唔覺得淨係想像就令人興奮不已嗎？
FOREST VILLAGE（Fuji Premium Resort內）
同樣可以盡情欣賞富士山嘅酒店，仲可以感受渡假村嘅氣息，而呢度就係「FOREST VILLAGE」。位於富士山山腳嘅Fuji Premium Resort入面，係一間富有個性嘅別墅。
腹地居然有５萬坪。豐富大自然入面所建造嘅呢D客房，顛覆咗至今為止全部別墅小屋嘅創意，非常極致奢華，令您體驗到身處喺高級別墅嘅感受。仲有，除咗公共大浴場之外，仲具備咗可以飽覽眼前呢片綠色美景嘅露天溫泉。喺呢度，您將可以度過一段不同以往仲充滿活力嘅奢華假期。
八岳 風花酒店
喺富饒自然嘅山梨渡假區，有八岳。而喺八岳，有一間隱密嘅豪華級旅館，叫「八岳 風花酒店」。全棟一共有35間客房，雖然有D多，但係旅館本身占地就寬敞到足以容下咁多客人，依然綽綽有餘。俾您享受優雅奢華嘅氣息。客房本身嘅裝潢都富有高級感，高檔渡假享受咁簡單就成真啦。
而且，酒店可以一邊眺望雄壯偉大嘅八岳稜線，可以一邊悠閒咁浸喺露天溫泉入面，還有從長野縣茅野市運過嚟嘅「尖石溫泉」都相當引以為傲。配搭八岳Outlet嘅觀光行程，肯定可以享受一段完美嘅假期。而且，2018年3月重新裝潢開幕嘅客房已經開放入住。呢間位於高原嘅度假酒店，魅力不斷高漲！
糸柳別館 離邸 和穰苑
喺甲州盆地嘅中心，佇立喺人氣觀光勝地「石和溫泉鄉」嘅一個角落。當地非常出名嘅老牌旅館「糸柳」，作為別館嘅住宿設施喺2008年開幕。可以俯瞰中庭嘅客房、附有露天溫泉嘅客房，仲有獨棟式嘅露天溫泉客房，保證帶俾您高檔嘅入住享受。
露天溫泉採用自然嘅岩石，富有鄉野風趣嘅造型。結合咗高雅品味嘅客房，洋溢非日常生活可以體會到嘅氣息。而且大廳Lounge仲有提供飲品享用，大家可以依各自喜好喺呢度度過。另外，入住無年齡限制，攜帶孩童入住都好適合。特別係住喺獨棟客房嘅話，重點係可以唔需要太過顧慮其他客人嘅感受，放低無謂嘅操心同煩惱。
仲有一點，特別值得一提嘅係喺呢度嘅餐點。晚餐理所當然豪華奢侈，而早餐所提供嘅品項都好豐富㗎。而且揀選咗營養均衡嘅食材。無論係重視健康方面嘅人，或者係鐘意美食嘅人，一定都可以心滿意足。嚟到呢間「糸柳別館 離邸 和穰苑」，將帶俾您宛如俗世時間暫時停止流動一樣嘅高級優質假期，一定要嚟體驗一次睇睇啦。
Relux
您可以點此註冊Relux網站會員。
Relux會員優惠包含：
- 特別優惠折扣券
- 5% 回饋獎勵點數
- 最優惠價格保證
Comments