京都三十三間堂：供奉著1001尊觀音雕像嘅寺廟

以長型大殿內供奉嘅1,000尊觀音雕像而聞名嘅三十三間堂，係一個好受歡迎嘅寺廟。訪客可以入內參觀、欣賞兩側排開五十列、每列前後十排嘅千尊觀音雕像之獨特景象。三十三間堂嘅主觀音像被列為日本國寶。對於每一位初次造訪京都嘅旅客嚟講，呢個寺廟都係必去嘅景點！

關於三十三間堂

三十三間堂嘅大殿係日本最長木造建築之一，名稱意思係「33個空間嘅大堂」，指嘅係供奉1,000尊觀世音菩薩雕像嘅大殿空間。

三十三間堂會喺當年距離1月15日最近嘅星期日，喺西側嘅簷廊舉辦傳統射箭比賽「遠射」（通矢）。身穿稱為「袴」嘅日本傳統和服嘅年輕女子會拉弓射箭，展現絕妙射箭技巧。

三十三間堂大殿內主雕像嘅左右兩側，供奉高約3.3米、真人大小千嘅手觀音像，總數量為1,000尊。其中有124尊觀音像係佛寺於1164年（平安時代）初次建立時所雕刻。雖然觀音像只有42隻手臂，但如果扣除兩隻正常手臂，將「40」隻手乘以「25個世界」，即係1,000隻。

除咗千手觀音，喺大殿內仲可以睇到另外28尊護法嘅雕像，另外仲有著名嘅風神同雷神雕像。

千手觀音雕像喺正殿兩側整齊排列十行。每一尊雕像都係獨一無二且雕刻精細。主尊觀音像嘅左右兩側各有500尊雕像，形成一座「佛像森林」，近距離睇更右令人嘆為觀止。

就算三十三間堂大殿內雕像嘅景象係幾咁令人讚嘆，大殿內其實係禁止攝影，所以記得放低你部相機同遵守寺廟規定啦。

三十三間堂嘅正式名稱其實係蓮華王院。之所以將其稱為「三十三間堂」係因為正殿由柱隔成咗33間，「間」係日本長度單位，1間大約係2米。

雖然三十三間堂嘅大殿周圍被礫石環繞，但仲有一個小庭園，園中有一個池塘，周圍有灌木叢等植物環繞。春天仲可以欣賞幾棵盛開嘅櫻花樹添。

日本平安時代後期，白河天皇下令武將平清盛建造一所佛寺，並於1164年建造完成，呢間寺廟就係三十三間堂。不過好不幸地原始建築毀於1249年嘅一場大火，直到1266年先被重建。

大殿內被指定為日本國寶嘅主要坐姿千手觀音「中尊」雕像，係由一位偉大嘅雕刻家——湛慶所雕製而成。喺1249年嘅火災之中，雖然只有124座雕像成功被守護，但其餘嘅雕像都喺13世紀重新製作完成。

從京都車站搭京阪本線電車就好容易去到三十三間堂。喺四條站落車，從4號出口向東面行6分鐘就到。三十三間堂係位於京都國立博物館對面嘅右手邊。

門票方面，大人600円、中學生400円、小童300円。開放時間通常係上午8點至下午5點；但11月16日至隔年3月，開放時間為上午9點至下午4點。最後入場時間為閉館30分鐘前。