2013年「和食：日本人嘅傳統飲食文化」，正式被列為無形嘅文化遺產。使用咗新鮮嘅食材，花同葉作為擺飾將自然之美同季節變換完美咁呈現出嚟，而且營養均衡被稱為和食文化嘅特徵。第三點「理想嘅營養均衡」係「三餸一湯」嘅基本要素嚟，可見健康嘅飲食風格都受到全世界嘅注目㗎。
理想嘅菜單風格「三餸一湯」
起源嚟自「本膳料理」嘅菜單之一，白飯、湯、醃漬物、醋拌生魚（切開嘅肉或者係魚加上調味料生食嘅料理）、燉菜、烤物一共三道菜，所以稱為「三餸一湯」。依加，基本上無論燉菜、烤物，使用海鮮或者係肉類為主嘅菜一道，使用蔬菜類或者菇類、海藻、大豆製品等等嘅副菜兩道，加上湯同飯組成一個套餐，被稱為理想嘅菜單風格。
最大嘅特徵係營養均衡
三餸一湯受到一般家庭廣泛嘅接受而最大嘅特徵就係營養均衡啦。從白飯攝取到嘅熱量來源係碳水化合物、主菜嘅魚、肉料理係蛋白質，礦物質、維他命、食物纖維等等可以喺配菜入面取得到。維持良好嘅營養均衡三餸一湯係最基本嘅，據聞呢個都係被稱為長壽國嘅因素呢㗎。
一般家庭餐抬上會出現嘅三餸一湯嘅配菜
主菜：薑燒豬肉、薯仔燜豬肉、照燒青甘魚、鯖魚味噌煮、漢堡扒、日式炸雞塊、
副菜：羊栖菜煮、金平牛蒡、胡麻菠菜、小黃瓜海帶醋物、醃漬小黃瓜、南瓜燉物
菜湯：菇同豆腐嘅味增湯，白蘿蔔同海帶嘅味增湯、豚汁、玉米濃湯、蔬菜通心粉
一般嘅家庭，會將上述菜單組合一吓，嚟思考料理嘅菜單。
使用「高湯」嚟控制卡路里
良好嘅營養均衡，控制卡路里嘅三餸一湯，關鍵係使用咗「高湯」。柴魚或者係昆布等等唔需要好重嘅調味，味道都一樣好好，對於預防肥胖嚟講都係非常之有用㗎。
Comments