探究京都平安神宮之美

平安神宮為京都環境最優美嘅神社之一，而且全年免費對外開放！當中巨型鳥居高達25米，位於岡崎公園旁邊，係京都旅行必訪景點。

關於京都平安神宮

平安神宮於京都眾多神宮當中歷史較短，係為紀念平安時代遷都至京都1,100周年而建成嘅。

平安神宮以平安京八分之五縮圖設計，擁有日本最大之一嘅鳥居，高達25米。神社佔地廣闊，正面為碎石路。

現時因流行喺平安神宮舉辦婚禮，所以當大家造訪嘅時候，都可以留意一下周圍，話唔定會發現有對新人喺神社範圍內行緊禮吖！但係記住要尊重人哋私隱唔好亂咁影相，亦都唔好阻礙到婚禮隊伍，俾佢哋有足夠空間行。

如果10月後半期去京都，記得喺10月22日參與京都三大祭典之一、拜祭桓武天皇同孝明天皇嘅時代祭啦。

平安神宮後方有一個美麗嘅日式庭園，包括有傳統建築、池塘同各種植物。神苑佔地約33,060平方米，亦即係平安神宮總面積嘅一半左右。

神苑係由第七代小川治兵衛花費20年精心打造嘅池泉迴遊式庭園。園內種植各種稀有植物，仲可以餵烏龜。

櫻花季係遊平安神宮嘅最佳季節。神苑內種有多枝垂櫻，吸引眾多遊客前往參觀，所以平安神宮亦成為京都賞櫻花聖地之一。一般賞櫻期間為4月中，根據每年櫻花綻放時間而有所變動，去遊京都前記得查一下櫻花花期預測啦！

平安神宮全年免費入內，可於社務所求得御守，購買繪馬等。

平安神宮開放時間從上午6:00至下午5:30，閉關時間根據期間而定，從2月15日至3月14日及10月期間開放至5:30。從3月15日至9月30日開放至下午6:00。從11月1日至2月14日開放至下午5:00。

御朱印受付從早上9:00開始，無需預約。僅限日語。

欲進入庭園，需收取費用。成人入園費為600円、小童入園費為300円。同平安神宮一樣，開放時間根據季節有所變化。

3月1日至3月14日及10月期間，庭園開放時間從上午8:30至下午5:00。從3月15日至9月30日，庭園開放時間從上午8:30至下午5:30。從11月1日至2月尾，庭園開放時間從上午8:30至下午4:30。閉館30分鐘前截至入園。

從京都站去平安神宮好簡單。乘搭烏丸地鐵線約5分鐘至烏丸御池站，再轉乘前往六地蔵站方向嘅東西線約4分鐘至東山站，徒步約5分鐘就可以到平安神宮。

景點資訊