遊覽京都宇治嘅抹茶之家

位於京都市南部同奈良縣北部嘅宇治市以高品質茶葉享譽世界。京都宇治市有恬靜優美嘅風景，仲可以享受日本最好嘅茶，更可以遊訪獨特嘅觀光景點！

京都宇治抹茶嘅歷史

雖然宇治抹茶因其高品質而聞名於世，但抹茶本身並非源自宇治市。喺鎌倉時代，栂尾嘅高山寺將抹茶茶葉引入宇治。

經過精心種植同耕作，喺織田信長同豐臣秀吉嘅支持同推動下，宇治以出產最好嘅茶葉而聞名，至今仍受到高度重視。

除咗抹茶之外，宇治仲有好多歷史遺跡，如宇治上神社同平等院，均被列為「古都京都嘅文化財」並喺聯合國教科文組織登錄為世界遺產。

當享受宇治市優美嘅自然風光，仲可以喺大型公園漫步散心。沿著河邊有眾多商店同地方可以俾你坐低用餐，享用抹茶製作嘅小食。

宇治嘅名產係抹茶，呢度有好多餐廳同商店都供應抹茶或抹茶口味嘅食品。平等院表參道更係首次到宇治市嘅必遊之地。

呢度有一條熱鬧嘅小街道，兩邊有好多商店販賣抹茶相關嘅產品、小食同商品。如果想品嚐抹茶雪糕、麵條，甚至咖哩，呢度就係你一定要拜訪嘅地方！

從京都或奈良前往宇治市都相當容易。如果從京都出發，可以喺京都站乘坐奈良線，喺宇治站落車，車程約需24分鐘、費用為240円。交通方便，讓你可以輕易排進一日遊嘅行程內。

從奈良乘坐奈良線約36分鐘抵達，費用約為500円。亦可乘搭大和路線抵達宇治。

往宇治車站以北，就可以搵到宇治橋。基於該地區嘅歷史背景，宇治橋被認為係日本最重要嘅橋樑之一。建於646年，喺著名嘅「源氏物語」中多次被提及。

喺呢度可以睇到當地人進行「鸕鶿捕魚」。漁民同叫做鸕鶿嘅鳥類一齊合作，喺河入面捕魚。呢個絕對係一個非常獨特嘅景象，喺夏天晚期至九月都可以觀賞得到。

最初作為高級朝臣嘅別墅，建於998年，後來由藤原氏族嘅藤原道長購入，並於1052年重新改造成佛教寺廟嘅平等院。

鳳翔館係一個令人嘆為觀止嘅建築，更係唯一保留落嚟嘅原始建築物。建造喺一個美麗池塘嘅隔離，設有兩條走廊通往中央大廳。喺屋頂上更可以發現以此命名嘅標誌性鳳凰。

平等院喺宇治地區非常受歡迎，而且係印喺日本10円硬幣上嘅寺廟。門票為600円，進入鳳翔館內部參觀嘅話需要額外支付300円。