※更新※ 而家大阪、北海道JEP價格只需5,400円就買得到啦。活動期間：2018/10/1～12/15
講到北海道，好容易令人同浪漫嘅情節連想埋一齊，可能係喺電視同電影入面雪白唯白嘅畫面，亦可能係一張張迷人風景嘅明信片，的確喺訪日旅遊嘅景點入面，比起東京、大阪或者係沖繩呢D熱門城市，北海道就多咗份浪漫。但係第一次到訪北海道嘅朋友仔，都唔洗擔心初次嘅邂逅會唔會破壞想象中嘅畫面，想知道要點先至可以製造出完美嘅第一次相遇，就請繼續睇落去啦！
好相處嘅札幌令您嘅旅行好自在
好多人會揀喺札幌新千歲機場進出北海道嘅方式，抵達咗機場之後乘搭電車或者係機場巴士大約45分鐘到1個鐘左右就可以到市區，而市內嘅巴士或者係電車都非常方便，唔需要租車自駕都可以暢遊札幌！
首站就從祭祀北海道嘅守護神同開拓之神嘅「北海道神宮」開始啦！喺1869年奉明治天皇嘅詔令，創建咗北海道神宮，搭電車到「圓山公園站」之後徒步大約15分鐘就可以抵達，北海道神宮亦都係著名嘅賞櫻景點，除咗參拜之外，詳細觀察會發現，廣大嘅腹地入面，可愛嘅野生小動物都認真唔少，離開之前唔好唔記得喺六花亭參拜者休憩所享用即燒即整嘅「島判官」餅，可以話係呢度嘅限定商品嚟㗎！
如果係海鮮饕客，推薦您前往場外嘅市場去尋覓新鮮嘅海味，無論係現撈海鮮或者係乾貨都任君選擇，包您食得開心同買得愉快，講到買嘢，當然就係狸小路商店街啦！呢條商店街位於札幌市中心，係北海道歷史久遠嘅商店街，由1丁目到7丁目各式各樣嘅商店、餐廳都有，觀光客最愛嘅藥妝店都一應盡全，喺呢度行足成日都唔係問題，亦因為歷史久遠，狸小路商店街有濃濃嘅老街風情，如果您想要一邊行街一邊欣賞唔同建築風格嘅話，咁就不彷嚟小樽站同南小樽站之間嘅「堺町通」！呢度保留咗好多古老嘅建築，各種唔同風格形成街道上一股特別嘅氛圍，仲可以喺呢度入手到各式各樣嘅紀念品！
日本最北唯一嘅不凍湖：支笏湖
距離札幌大約一個鐘嘅交通時間，除咗揀選當日來回嘅一日遊之外，您亦可以喺支笏湖附近嘅「丸駒溫泉」投宿一晚，悠閒咁享受呢個天然美景所帶俾您嘅感動。支笏湖係喺火山運動之後所形成，透明度高嘅水質，於全世界都頗具盛名，俾山景環繞嘅支笏湖，喺冬天嗰陣湖面都唔會結冰，依然係清澈如鏡嘅水面，乘搭水上遊覽船亦都係欣賞支笏湖嘅好方法，或著係依照自己嘅步伐，悠閒咁划獨木舟，都係同支笏湖親密接觸嘅好方法喔！除咗湖景之外，附近嘅巨木森林區都係另一種截然不同嘅自然美景，最後喺緊臨著湖畔隔離嘅丸駒浸溫泉，全身都被療癒啦！
從札幌出發到函館
伴隨住而家多元嘅旅行方案，您嘅海外旅行路線唔再一成不變，喺以往好難成立嘅行程，而家可以輕鬆達成，例如喺札幌出發到函館旅遊，用 JAL Japan Explorer Pass（JEP），有針對外國旅客嘅日本國內線優惠票價，俾您用少少預算，擴充您大大嘅旅行版圖。喺札幌嘅丘珠機場出發，凈係需要45分鐘，5400日圓嘅預算俾您同北海道兩個城市相遇，來回唔洗八百蚊港幣，令您嘅北海道之旅更加豐富。
函館嘅美食饗宴從一朝早就開始
講到北海道，海鮮美食都係絕對唔少得，但係如果喺酒店嘅自助早餐選擇中，連生魚片、三文魚籽、鮮蝦等等都有提供嘅話，咁會不會令人太癲瘋呢！函館La vista酒店嘅早餐非常豐盛，恐怕好少有其他酒店可以超越佢！唔怪得知喺酒店嘅早餐時段，有好多人排住隊嚟用餐啦，如果您都想從早上開始就進補嘅話，就絕對唔可以錯過啦！
位於港口嘅「金森紅倉庫」亦係小編大力推薦大家去行吓嘅景點，藍天、白雲、大海配上紅通通嘅建築，光喺視覺上就有鮮明嘅美感，喺步道上面散步，海風迎面吹過嚟，同函館初次見面就帶俾您一股清爽，金森倉庫入面有各式各樣嘅商店，手工製品、紀念品、新鮮乾貨同現烤仙貝等等，絕對唔會令您失望！
元町區嘅異國風情配上函館山嘅夜景
因為函館嘅港口早期作為對外嘅開放港口，所以喺函館會睇到好多西式建築或者係教會，其中「舊函館區公會堂」係具有代表性嘅建築之一，位於元町公園嘅對面，除咗參觀之外，您仲可以租借西式嘅宮廷服影相，留低難得嘅記念照！喺乘搭乘纜車上函館山之前，仲有元町羅馬天主教堂、日本聖公會同東正教堂等，各具特色嘅建築，一定會令您影相影到停唔到手。
乘搭纜車上山之後，等緊您嘅係日本三大夜景之一嘅「函館山夜景」，即使係夏天嘅夜晚，山上嘅冷風都仲係令人有D寒意，唔好唔記得帶多件薄外套上山，如果上山時間比較早，都可以飲返杯咖啡等待夕陽落下，夜晚來臨映入眼前嘅美景，絕對唔會令您失望！如果仲想喺函館留多幾日嘅話，湯之川溫泉區都好值得去行吓，您或者睇過成群馬騮喺嚴寒浸溫泉嘅相，喺湯之川嘅熱帶植物園入面，您就可以親眼目睹呢個可愛嘅一幕啦！
多咗JEP呢個訪日小幫手，的確可以令您嘅北海道之旅更加充實，喺回國之前探訪多一個美麗城市，唔單止凈係得札幌，喺函館都可以一併留低您踏過嘅足跡啊！
JEP小幫手訂票網站
👇👇👇
呢次周遊路線圖提供俾您參考喔！
Comments