探索京都祗園藝妓區神秘臉紗

祗園最初係作為吸引旅行者同遊客嘅地區而發展起來，係日本最著名嘅獨特藝妓地區之一。儘管唔似過去咁繁榮，但喺祗園漫步時仍然會睇到藝妓，係一個令人驚嘆嘅地方。

聚集咗藝妓嘅祗園之美

祗園位於京都嘅中心，於四條大道旁，鄰近鴨川河同八坂神社。喺呢個傳統嘅地區中可以搵到好多舊式建築物，以及被稱為町屋同茶屋嘅房，陸續改成民家或茶館。

然而，祗園最著名嘅都係傳聞源自呢度嘅藝妓文化。藝妓係擅長於藝術、舞蹈、歌唱等日本傳統表演嘅女性。佢哋嘅打扮以日本和服同獨特嘅化妝方式著稱。

喺京都，佢哋被稱為舞子，即被稱為「藝術女性」。喺祗園偶爾可以睇到藝妓喺附近散步，但請避免上前阻撓要求影相，其實咁做係不允許嘅。

如果想睇藝妓表演，可以前往祗園嘅任何一個町屋。佢哋會喺嗰度表演各種舞蹈，歌曲，喺某啲場合，甚至會同你一齊玩遊戲。

除咗藝妓之外，祗園仲有好多供當地人同遊客消遣嘅酒吧、餐館、俱樂部，以夜生活而聞名。喺四條大街沿路仲有好多購物點，可以喺嗰度發現當地嘅各種點心零食、工藝品同紀念品。

如果計劃喺七月去京都，咁你就太幸運啦！祗園祭係日本最著名嘅祭典之一，喺七月每日都會舉辦各種唔同嘅活動同儀式。值得注目嘅係7月17日同7月24日嘅遊行，以及遊行嘅前一晚。

遊行嘅前一晚被稱為「宵山」，7/15係「宵宵山」，7/14係「宵宵宵山」。呢啲日子嘅晚上會有好多街頭小販喺慶典經間販售各種街頭小食，顯得街道熱鬧非凡。

而且，仲可以睇到好多當地人同遊客穿著傳統日式浴衣行來行去，令人感覺彷彿回到古代嘅京都。

另外，祭典遊行可以睇到好多被稱為「山・鉾・屋台」嘅花車慶典。呢啲花車裝飾非常典雅，美豔得令人驚嘆。

如果想入住靠近祗園嘅住宿，建議你入住優雅嘅祇園畑中日式旅館。呢間大型日式旅館位於東山區嘅南部，距離主要嘅祗園僅係幾步之遙，提供好多客房，室內附私人浴池，仲會提供藝妓表演，供客人甚至非客人欣賞。

喺呢間日式旅館可以體驗季節性嘅傳統懷石料理。直接採用京都及鄰近地區出產嘅新鮮食材，一定可以品嚐豪華美味嘅晚餐！

如果想入住祇園畑中，請務必click入旅館嘅網站並提前預訂。因為日式旅館非常受歡迎，好快就滿人。價格根據房間同入住人數有所不同，每晚約32,000円起。

有好多方法可以前往祗園，但最簡單嘅方法就係從京都車站嘅巴士總站D1車站乘搭京都都營巴士100號或D2車站乘搭206號巴士。

如果乘搭的士，價錢約係1000円左右，需時10至15分鐘，取決於交通狀況。比乘搭巴士或電車花費更多，但如果想直達目嘅地，並避開交通擠塞，搭的士係最好嘅選擇。

乘坐電車前往祗園都好方便。只需乘搭京阪本線到祗園四條站落車, 或乘坐京都本線到河原町站落車，都可以方便抵達！